Systkinamissir – námskeið börn/unglingar

Börn og unglingar (6-18 ára)

Að missa systkini er mikið áfall og oft fylgir slík reynsla börnum og unglingum ævina á enda. Það er því nauðsynlegt að vinna vel úr sorginni svo áfallið verði ekki hamlandi seinna meir. Fagleg aðstoð, fjölskyldan, vinir og að hitta aðra sem deila reynslu er oft mikil hjálp.

Sorgarmiðstöð býður upp á námskeið og stuðningshópastarf fyrir börn og unglinga sem hafa misst systkini. Það er hægt að skrá sig hvenær sem er og er farið af stað með námskeið/hóp þegar hann er orðinn full skipaður.

Börn 6- 15 ára er boðið upp á námskeið fjóra laugardaga.

Unglingar 16-18 ára (menntaskólaaldur) verða að kvöldi til á virkum degi. 

 Það kostar ekkert að koma á námskeið/í stuðningshóp en nauðsynlegt er að skrá sig til að tryggja þátttöku. 

Nánari lýsing: Á námsskeiðinu fá allir tækifæri til að skapa, upplifa, og tjá sig í gegnum leik og verkefni í öruggu og styðjandi umhverfi. Hópnum er aldursskipt og er lögð áhersla á að mæta þörfum hópsins og hvers og eins innan hans. Unnið er með eftirfarandi þætti :

TRAUST 
Efnisþættir: Sjálfstraust, hugrekki, að treysta öðrum, að treysta aðstæðum.

TENGSL
Efnisþættir: Félagslegur og tilfinningalegur lærdómur, samskipti, samvinna, tjáning og samkennd.

SJÁLFSÞEKKING
Efnisþættir: Aukin meðvitund varðandi færni, líðan og samskipti, yfirfærsla á daglegt líf, jákvæð reynsla.

Elísabet Lorange, listmeðferðafræðingur og Helga Jóna Sigurðardóttir, iðjuþjálfi og fjölskyldumeðferðafræðingur halda utan um námskeiðið. Þær hafa mikla reynslu af vinnu með börnum í sorg og sinna einnig hópastarfi barna í Ljósinu.

COMING SOON

wkrótce

Skráning í hópastarf

Á heimasíðu Sorgarmiðstöðvar eru notaðar kökur (e. cookies). » meira