Þessir yndislegu hitapokar eru afrakstur verkefnisins „Veitum hlýju“  þar sem VISS vinnustofa á Flúðum saumuðu poka úr afgangsefni sem féll til hjá þeim fyrir Sorgarmiðstöð. Hluti hitapokanna er notaður í stuðningshópastarfi Sorgarmiðstöðvar en þar gefst syrgjendum einnig kostur á að fá hitapoka á axlirnar á meðan á hópastarfi stendur.

Hitapokarnir eru  einnig fáanlegir hér og koma í mismunandi litum og munstrum. Stærð pokanna er sú sama en engin er eins í útliti.

Ekki má setja hitapokana í þvottavél.

Hitun: örbylgjuofn í 30 – 60 sekúndur  eða  í bakaraofni í 3-4 mínútur við 120°c.

Kæling: í plastpoka í frysti í  minnst hálftíma.