Einlægni í erindi Lilju Cederborg

Missir breytir lífinu á djúpstæðan hátt. Hann getur skilið eftir tómarúm og spurningar um tilgang og framtíð. Í þessum fyrirlestri er sjónum beint að lífinu eftir missi með því að skoða hvernig hægt er að finna ljósið smám saman aftur.

Lilja Cederborg frá KVAN hélt erindi hjá Sorgarmiðstöð fimmtudaginn 12. mars en erindið bar yfirskriftina “Lífið eftir missi – Hamingjan í hversdagsleikanum”

Fjallaði hún þar meðal annars um hamingju í hversdagsleikanum og hvernig hún birtist oft í litlu augnablikunum sem við tökum gjarnan sem sjálfsögðum hlut. 

Á erindinu mættust fagleg þekking og persónuleg reynsla en Lilja Cederborg missti son sinn barnungan árið 2022 og var því að gefa af sér speglun af eigin reynslu og bjargráðum.

Vel var sótt á erindið og skein einlægni Lilju skært í hugljúfu andrúmslofti.