Námskeið í haustkransagerð

Í október bauð Sorgarmiðstöð upp á námskeið í haustkransagerð í samstarfi við Ingunni Björk Vilhjálmsdóttur kransagerðakonu. Ingunn kom og kenndi okkur helstu handbrögðin við að útbúa fallega haustkransa og gaf vinnu sína til Sorgarmiðstöðvar.
Aðsóknin var mjög góð og fannst öllum stundin vera kærkomin tilbreyting en eins og segir í bjargráðum okkar að þá er nauðsynlegt að hvíla sig frá sorginni, dreifa huganum og gera eitthvað allt annað. Gleðin var mikil og var óskað eftir að þessi viðburður yrði aftur að ári.

Við þökkum öllum fyrir þátttökuna og einstaklega ánægjulega samveru