Stjórn og starfsfólk

Anna Dagmar er  viðskiptafræðingur frá HÍ  og með MBA með áherslu á mannauðsstjórnun frá HR og hefur einnig lokið MA diplómanámi í Jákvæðri sálfræði og Verkefnastjórnun og leiðtogaþjálfun frá EHÍ.
Anna Dagmar missti eiginmann sinn skyndilega sumarið 2019.
Anna Dagmar hefur setið í stjórn Ljónshjarta síðan 2022.

Berglind Arnardóttir er menntaður viskiptafræðingur. Hún hefur starfað í áratug við markaðsmál fyrirtækja og sinnt ýmsum sjálfboðastörfum í íþróttahreyfingunni.
Berglind missti ungan son sinn af slysförum árið 2021.

Díana Sjöfn Jóhannsdóttir er menntuð í bókmenntafræði og ritlist og er með M.A gráðu í menningarfræði. Hún er einnig rithöfundur og hefur gefið út þrjú skáldverk.
Díana hefur starfað við ýmis fjölbreytt markaðsstörf, kynningarstörf og við viðburðarstjórnun. Hún starfaði sem markaðsstjóri hjá Styrktarfélagi lamaðra og fatlaðra á árunum 2018 og 2019. Þar á eftir vann hún fyrir Átak, félag fólks með þroskahömlun sem verkefnastjóri og svo sem viðburðar – og kynningarstjóri Bókasafns Garðabæjar. Díana skrifar auk þess leikhús -og bókarýni á menningarvef Lestrarklefans.
Díana Sjöfn missti móður sína skyndilega eftir stutt veikindi þegar hún var 24 ára gömul árið 2016.

Guðfinna er hjúkrunarfræðingur að mennt og er með diplóma í sálgæslu. Hún starfar sem verkefnastjóri við Háskólann á
Akureyri ásamt því að vera meðhjálpari í Akureyrarkirkju.
Guðfinna missti elstu dóttur sína úr sjálfsvígi árið 2014. 
Guðfinna sat í stjórn Samhygðar, samtök um sorg og sorgarviðbrögð.

Anna hefur starfað hjá Barnahjálp Sameinuðu þjóðanna, UNICEF, á Íslandi og víða erlendis um árabil. Hún starfar nú sem kynningarstjóri hjá höfuðstöðvum UNICEF í New York. 
Anna missti barn eftir 34 vikna meðgöngu. Hún úskrifaðist úr sálgæslunámi Endurmenntunar Háskóla Íslands árið 2022.
Anna er í stjórn Gleym mér ei.

Hulda er með M.A í guðfræði og djáknakandídat frá Háskóla Íslands.
Hulda varð ekkja með ung börn. Í tæp 20 ár var hún virk í stjórn og starfi Nýrrar dögunar, stuðnings í sorg. 
Hulda kom að stofnun Sorgarmiðstöðvar og var fyrsti formaðurinn frá árinu 2018-2020.

Ína Lóa er grunnskólakennari að mennt og hefur starfað sem slíkur til fjölda ára. Hún hefur tekið diplómanám í hugrænni atferlismeðferð, útskrifast sem markþjálfi og tekið ýmis námskeið er tengajst sorg og áföllum barna og fullorðinna.
Ína missti fyrsta barn sitt á meðgöngu árið 2002 og eiginmann eftir langvarandi veikindi árið 2012. Árið 2013 stofnaði hún Ljónshjarta ásamt öðru góðu fólki og var þar formaður fyrstu 6 árin.
Ína Lóa er annar hugmyndasmiður og einn af höfundum fræðsluþáttana MISSIR sem sýndir voru á sjónvarpi Símans og fengu Edduverlaunin árið 2022.
Ína kom að stofnun Sorgarmiðstöðvar og var í fyrstu stjórn hennar en gegnir nú starfi framkvæmdastjóra.

Jóhanna María Eyjólfsdóttir er djákni en hefur einnig lagt stund á nám í Uppeldis- og menntunarfræðum á masterstigi. Hún var um skeið formaður og framkvæmdastjóri Pieta sjálfsvígsforvarnarsamtaka. Jóhanna María hefur starfað sjálfstætt við sálgæslu og stutt aðstandendur og ástvini í sorg eftir missi.
Hún sinnir sjálfboðastarfi hjá Rauða krossinum og er meðlimur í Áfalla- og viðbragðsteymi samtakanna. Einnig situr hún í undirbúningshópi Embætti landlæknis fyrir Alþjóðadag sjálfsvíga 10. september.
Jóhanna María missti fyrrverandi eiginmann og barnsföður tveggja sona í sjálfsvígi árið 2012.

Kolbeinn starfar við fjármálagreiningu og áætlanagerð hjá tölvuleikjafyrirtækinu CCP. Hann er með B.Sc. gráðu í viðskiptafræði frá HR og M.A. gráðu í hagnýttri hagfræði frá HÍ.
Kolbeinn missti móður sína ungur að árum úr fíknisjúkdóm og hefur sjálfur upplifað batann sem er fólginn í því að vinna úr slíku áfalli. Hann kom fram í þáttunum „Missir“ þar sem hann ræddi reynslu sína af móðurmissinum, hefur stundað jafningastuðning hjá Sorgarmiðstöð og einnig haldið fyrirlestra um upplifun sína, meðal annars á ráðstefnu Sorgarmiðstöðvar um skyndilegan missi.

Lóa starfar sem hjúkrunarfræðingur og ráðgjafi hjá Krabbameinsfélagi Íslands. Hún vann áður í mörg ár við sérhæfða líknarþjónustu í heimahúsum. Lóa hefur lokið kúrsum á diplóma og meistarastigi í endurmenntun Háskóla Íslands, meðal annars í líknarhjúkrun og sálgæslu. Hún er einnig Jóga Nidra leiðbeinandi.
Lóa hefur langa reynslu af vinnu með fjölskyldum sem takast á við sorg og erfiðar tilfinningar í alvarlegum veikindum og við ástvinamissi.
Lóa sat í stjórn Nýrrar dögunar, samtök um sorg og sorgarviðbrögð og stjórn Lífsins-samtaka um líknarmeðferð.