Sigrún Jónsdóttir Yoga Nidra kennari hefur undanfarin jól boðið Sorgarmiðstöð upp á Yoga Nidra djúpslökun fyrir syrgjendur þar sem hún gefur vinnuna sína í desember. Við erum henni afar þakklát og stuðningur sem þessi nýtitst okkur ávallt þar sem Sorgarmiðstöð er enn einungis rekin á styrkjum.
Stundinn verður þann 14. desember kl. 20:15 í Lífsgæðasetri st. Jó, þar sem Sorgarmiðstöð er staðsett.
Skráning er nauðsynleg þar sem takmörkuð pláss eru í boði.

Rannsóknir hafa bent til þess að ein klukkustund í Yoga Nidra geti jafngilt 4 tímum í svefni. Nidra þýðir svefn og yoga þýðir eining, þannig þýðir Yoga Nidra vakandi svefn þar sem meðvitundin er vakandi en líkaminn fær djúpa hvíld á meðan hugurinn hvílir í djúpri kyrrð.

Þetta er einstakt tækifæri til að næra sál og líkama í amstri jólanna.

Nánari lýsing:
Yogastundin er í salnum upp á 4. hæð. Sigrún Yoga Nidra kennari tekur á móti hópnum og leiða hann inn í notalega djúpslökun. Gengið er inn í salinn hljóðlega og eiga allir að koma sér vel fyrir á dýnu. Allir þurfa að koma með hlýtt teppi, undirlag á dýnuna og kodda undir höfuð og jafnvel fætur. Augnhvílu er líka gott að koma með eða eitthvað annað sem hægt er að leggja yfir augun (dýpkar slökunina). Einnig er gott að mæta í hlýjum og þægilegum fatnaði.

Það verða allir að skrá sig þar sem það er takmarkaður fjöldi.

 Skráning hér

Það kostar ekkert á þennan viðburð og tökum við vel á móti ykkur

Tíminn hefst kl. 20:15