Rekstrarstyrkur

Guðmundur Ingi Guðbrandsson, félags- og vinnumarkaðsráðherra, hefur veitt Sorgarmiðstöð rekstrarstyrk að upphæð fimm milljónir króna til tveggja ára.
Undanfarin ár hefur Sorgarmiðstöð veitt syrgjendum, aðstandendum þeirra og fagfólki ráðgjöf og stuðning. Miðstöðin hefur haldið úti fjölbreyttri starfsemi þar sem aðsóknin hefur aukist verulega frá opnun og með rekstrarstyrk gefst tækifæri á að halda áfram því góða starfi sem unnið er og tryggja grunnstarfsemina. Styrkurinn kemur því að góðum notum og er mikill heiður að hljóta styrkinn og vera í fríðu föruneyti félagasamtaka- og verkefna er hlutu styrkveitingu en veittir voru 41 styrkir til verkefna á sviði félags- og velferðarmála og nam heildarfjárhæðin ríflega 200 milljónum króna.

Við þökkum Guðmundi Inga Guðbrandsyni, félags- og vinnumarkaðsráðherra innilega fyrir veittan stuðning með þessu framlagi.

Birna Dröfn Jónasdóttir stjórnarkona Sorgarmiðstöðvar tók við styrknum.