Kristín Lilja nýr framkvæmdastjóri Sorgarmiðstöðvar

Kristín Lilja Sigurðardóttir hefur verið ráðin í stöðu framkvæmdastjóra Sorgarmiðstöðvar.

Kristín Lilja er með BSc gráðu í sölu- og markaðsfræðum frá dönskum háskóla, þar að auki lauk Kristín MBA námi frá skoskum háskóla vorið 2022 þar sem hún bætti við sig meistaragráðu í stjórnun. 

Kristín Lilja hefur víðtæka reynslu í verkefnastjórnun og rekstri en þar að auki starfaði Kristín nýverið hjá Krafti stuðningsfélagi þar sem hún bar ábyrgð á fjármálum og fjáröflunum félagsins. Því fögnum við því að fá reynslu hennar inn í Sorgarmiðstöð.

Kristín Lilja  tekur við starfinu af Ínu Lóu sem hefur sinnt stöðunni frá upphafi Sorgarmiðstöðvar, en vert er að nefna að Ína er einn af stofnendum Sorgarmiðstöðvar og hefur sinnt starfinu af mikilli alúð og natni frá upphafi. Ína fer nú áfram til annara verkefna að eigin ósk og færum við henni okkar innilegar heillaóskir með þakklæti fyrir sitt öfluga og ómetanlega starf.