Barre til styrktar Sorgarmiðstöð

Nemendur í viðburðastjórnun frá háskólanum á Hólum héldu styrktarviðburð fyrir Sorgarmiðstöð. Boðið var upp á Barre í samstarfi við Arnfríði hjá NÚNA collective studio. Barre er blanda af pila­tes, jóga, styrktaræf­ing­um og teygj­um. Undirtektirnar urðu einstaklega góðar og var því ákveðið að halda tvo viðburði þar sem seldist upp á þá báða. Að tilefni af gulum september var ákveðið að ágóðinn færi í stuðningshópastarf hjá Sorgarmiðstöð fyrir þau sem missa ástvin í sjálfsvígi. Alls söfnuðust um 140 þúsund krónur.

Að viðburðinum stóðu Emilía, Elsa, Selma og Unnur.

Við færum þeim bestu þakkir fyrir.