Styrkur í jólaþorpinu

12/12/2025

Helgina 5.-7. desember var Sorgarmiðstöð með bás í jólaþorpinu í miðbæ Hafnarfjarðar. Þetta er annað árið sem við prófum að vera með viðveru í jólaþorpinu og gekk það með eindæmum vel eins og fyrri árið.

Í ár seldum við heitt súkkulaði en ágóðinn sem kom af sölunni mun fara í að styrkja starf Sorgarmiðstöðvar. Barbara Kaffibar ákvað að þessu sinni að slást í lið með okkur og gáfu þeir okkur heita súkkulaðið sitt í styrk svo við gætum boðið gangandi vegfarendum í þorpinu upp á drykk í hæsta gæðaflokki. Við þökkum þeim afar vel fyrir en súkkulaðisalan gekk framar vonum og mun ágóðinn af henni nýtast heldur betur vel.

Við náðum einnig að gefa smá forskot á nýja vöru hjá okkur í jólaþorpinu en það er Hjartaknúsið sem er skapað í samvinnu við Valdísi Ólafsdóttur keramikhönnuð sem hannar undir merkinu Dísa – Litlu hlutir lífsins.

Hjartaknúsið okkar er lyklakippa með fallegu keramik-hjarta og skilaboðunum “knús”. Það er því hægt að bera faðminn og hlýjuna með sér í gegnum daginn, eða gefa öðrum knús sem á þurfa að halda. Hjartaknúsið mun fara í vefverslun og frekari sölu eftir áramót.

Viðtalsþjónustan nú í boði á Akureyri

Sorgarmiðstöð hefur útvíkkað þjónustu sína á norðurlandi og býður nú upp á viðtalsþjónustu á Akureyri. Viðtölin fara fram í húsakynnum Krabbameinsfélags Akureyrar og nágrennis en ...

Aðalfundur Sorgarmiðstöðvar verður haldinn í apríl

Aðalfundur Sorgarmiðstöðvar verður haldinn miðvikudaginn 15. apríl kl. 18:00-20:00 í Lífsgæðasetrinu. Dagskrá aðalfundar:

Einlægni í erindi Lilju Cederborg

Missir breytir lífinu á djúpstæðan hátt. Hann getur skilið eftir tómarúm og spurningar um tilgang og framtíð. Í þessum fyrirlestri er sjónum beint að lífinu ...

Vel heppnuð erindi á Akureyri í byrjun árs

Við byrjuðum árið af krafti og með sérstaka áherslu á þjónustuna á Norðurlandi með því að bjóða upp á þrjú ólík erindi á Akureyri. Þann ...

Hjartaknús Sorgarmiðstöðvar

Við höfum skapað nýja vöru sem er ætluð til fjáröflunar fyrir kjarnastarfsemi Sorgarmiðstöðvar. Varan er Hjartaknúsið sem er skapað í samvinnu við Valdísi Ólafsdóttur keramikhönnuð ...

Kærkominn styrkur í desember frá Kvennastúkum Akureyris

Kvennastúkurnar Auður og Laufey á Akureyri færðu Hjálp48 – Sorgarmiðstöð á Akureyri styrk í desember að fjárhæð kr. 1.230.000 til þess að þýða og gefa ...