Sorgarhlaupið

19/06/2026

Fyrsta Sorgarhlaupið tókst afar vel og erum við innilega þakklát öllum þeim sem tóku þátt, mættu á svæðið og komu að skipulagi og uppsetningu viðburðarins.

Dagurinn lék sannarlega við okkur, veðrið var einstaklega gott og stemningin góð. Það var dýrmætt að sjá fólk á öllum aldri koma saman, hreyfa sig, njóta samverunnar og styðja við mikilvægt málefni. Markmið Sorgarhlaupsins var að skapa vettvang þar sem fólk gat komið saman og sýnt stuðning, en með viðburðinum vildum við einnig skapa pláss fyrir gleði.

Sérstakar þakkir fá Kaffi Flóra, Danól og MS fyrir að styrkja okkur með léttum veitingar sem nutu mikilla vinsælda. Einnig viljum við þakka Evu Steinsen og Ástu Sigþórsdóttur sem glöddu yngstu gestina með andlitsmálun og hjálpuðu til við að gera daginn enn eftirminnilegri.

Við erum full þakklætis fyrir þann stuðning sem Sorgarmiðstöðin finnur fyrir og vonumst til þess að geta skapað enn fleiri tækifæri til þess að koma saman í framtíðinni.

Íþróttaálfurinn og Solla stirða héldu stemningunni uppi ☀️

Gleðin heldur síðan áfram þar sem Reykjavíkurmaraþon Íslandsbanka er næst á dagskrá. Við hvetjum alla þá sem hafa áhuga á að taka þátt, hvort sem þeir vilja hlaupa, skokka eða ganga, til að slást í hópinn okkar. Með þátttöku sinni styður fólk við mikilvægt starf í þágu syrgjenda💙

Skráning í Reykjavíkurmaraþonið

Sorgarhlaupið

Fyrsta Sorgarhlaupið tókst afar vel og erum við innilega þakklát öllum þeim sem tóku þátt, mættu á svæðið og komu að skipulagi og uppsetningu viðburðarins. ...

Karlmenn og sorg

Fimmtudaginn 28. maí stóð Sorgarmiðstöð fyrir viðburðinum “Karlmenn og sorg” í Vídalínskirkju. Mæting fór fram úr björtustu vonum og greinilegt er að þörf er á ...

Styrkur frá Nemendafélagi Menntaskóla Borgarfjarðar

Sorgarmiðstöð barst á dögunum afar kærkomin styrkur frá nemendafélagi Menntaskóla Borgarfjarðar sem hélt góðgerðarviku nú í vor til styrktar Sorgarmiðstöðvar. Alls söfnuðust 642.477 krónur sem ...

Heiðursbollinn afhentur Rósu Kristjánsdóttur

Valdís Ólafsdóttir er hönnuður Heiðursbollans í ár. Valdís hannar undir merkinu “Dísa- Litlu hlutir lífsins” og vinnur mest með postulín sem hún steypir í gifsmót. Valdís ...

Sorgarmiðstöð hlýtur hvatningarverðlaun frá Rótarýklúbbnum

Það var Sorgarmiðstöð mikill heiður að hljóta hvatningarverðlaun Rótarýklúbbs Straums þann 7. maí 2026. Viðurkenningin er mikilvæg hvatning fyrir starfsemi Sorgarmiðstöðvarinnar og staðfesting á ...

Stjórn endurkjörin á aðalfundi

Aðalfundur Sorgarmiðstöðvar var haldinn miðvikudaginn 15. apríl í Lífsgæðasetrinu. Allir í stjórn ársins 2025 buðu sig fram aftur og voru endurkjörnir til annars tímabils. Berglind ...