Heiðursbollinn afhentur Rósu Kristjánsdóttur

Þann 8. maí 2026 veitti Sorgarmiðstöð Heiðursbollann í fimmta sinn. Að þessu sinni hlaut hún Rósa Kristjánsdóttir viðurkenninguna. Heiðursbollinn er veittur ár hvert, einstaklingi sem hefur lagt sitt af mörkum til stuðnings syrgjenda á Íslandi.

Rósa hefur helgað líf sitt hjúkrun og sálrænni þjónustu. Hún starfaði sem hjúkrunarfræðingur á Landspítala frá árinu 1974 og vígðist til djákna árið 1995. Þótt Rósa hafi farið á eftirlaun frá Landspítala árið 2023 er hún enn sem fyrr að gera gagn. Rósa leiðir stuðningshópa fyrir Gleym mér ei og er einn af stofnendum á bakvið Dauðakaffið. Með áratuga reynslu sinni í hjúkrun og sálgæslu hefur hún veitt ótal einstaklingum stuðning, hlýju og styrk.