Sorgarmiðstöð hlýtur hvatningarverðlaun frá Rótarýklúbbnum

Það var Sorgarmiðstöð mikill heiður að hljóta hvatningarverðlaun Rótarýklúbbs Straums þann 7. maí 2026. Viðurkenningin er mikilvæg hvatning fyrir starfsemi Sorgarmiðstöðvarinnar og staðfesting á mikilvægi þess stuðnings sem veittur er syrgjendum.

Við hátíðlega athöfn afhenti Vilmundur Gíslason, forseti Rótarýklúbbs Straums, verðlaunin fyrir hönd klúbbsins til Kristínar Lilju, framkvæmdastjóra Sorgarmiðstöðvar. Þá kom fram að verðlaunin væru veitt fyrir mikilvægt stuðningsstarf við syrgjendur eftir ástvinamissi. Slík starfsemi sem og gildi Sorgarmistöðvar hafa afar mikla þýðingu fyrir þau sem orðið hafa fyrir missi, en einnig fyrir samfélagið allt.

Sorgarmiðstöð hefur frá stofnun sinni lagt áherslu á að skapa öruggt rými fyrir einstaklinga sem misst hafa ástvini. Verðlaunin eru því  viðurkenning á því mikilvæga samfélagslega hlutverki sem Sorgarmiðstöðin gegnir.

Rótarý er hreyfing fólks úr viðskipta- og atvinnulífi og opinberri þjónustu.  Rótarýhreyfing er alþjóðafélagsskapur  sem er   starfandi í meira en 200 löndum í öllum   heimsálfum. Lesa nánar hér