Styrkur frá Nemendafélagi Menntaskóla Borgarfjarðar

Sorgarmiðstöð barst á dögunum afar kærkomin styrkur frá nemendafélagi Menntaskóla Borgarfjarðar sem hélt góðgerðarviku nú í vor til styrktar Sorgarmiðstöðvar. Alls söfnuðust 642.477 krónur sem renna óskiptar til stuðnings við syrgjendur og starfsemi Sorgarmiðstöðvar.

Nemendur stóðu fyrir fjölbreyttum og skemmtilegum viðburðum í vikunni þar sem gleði, samstaða og samhugur voru í forgrunni. Með frumkvæði, sköpunargleði og öflugri þátttöku skólasamfélagsins tókst að safna þessari glæsilegu upphæð. Það er einstaklega dýrmætt fyrir Sorgarmiðstöð að finna stuðning og hlýhug frá ungu fólki sem vill leggja sitt af mörkum til mikilvægs málefnis. Við hjá Sorgarmiðstöð viljum færa nemendafélagi Menntaskóla Borgarfjarðar, nemendum skólans, starfsfólki og öllum þeim sem tóku þátt innilegar þakkir fyrir stuðninginn og fallegt framtak.