Dagur barna í sorg 2025

Á degi barna í sorg sem í ár var haldinn 20. nóvember ákváðu Örninn og Sorgarmiðstöð að sameina krafta sína og buðu upp á fræðslu í hádeginu og minningarstund fyrir börn og fjölskyldur þeirra um eftirmiðdaginn.

Í hádegiserindinu ræddu fimm ungmenni sem öll eiga reynslu af missi við Matthildi Bjarnadóttur prest og verkefnastjóra Arnarins um reynslu sína. Þar deildu þau því sem gagnaðist þeim í þeirra eigin sorgarúrvinnslu og hvað þau lærðu á leiðinni. Fræðslan var sýnd í beinu streymu og síðan var boðið upp á listasmiðju og afrakstur hennar var notaður í minninarstundinni síðar um daginn.

Minningarstundin var haldin í Vídalínskirkju þar sem Sigríður Thorlacius og Guðmundur Óskar Guðmundsson fluttu hugljúfa tóna. Heiðrún Jónsdóttir fór með ávarp. Stundin var á forsendum ungs fólks og fjölskyldna þeirra þar sem minnst var með táknræmum ætti látinna ástvina. Í lok stundarinnar sameinuðust allir að borðum í notalegru andrúmslofti og fengu súpu og brauð.

Við þökkum öllum ungum syrgjendum og aðstandendum þeirra fyrir fallega stund.

Vikuna fyrir Dag barna í sorg var herferð í gangi á samfélagsmiðlum Arnarins og Sorgarmiðstöðvar þar sem ungir syrgjendur deildu sínum sögum og bjargráðum. Tilgangurinn með þeirri herferð var að vekja athygli á deginum og mikilvægi heilbrigðrar sorgarúrvinnslu fyrir ungt fólk.