Gulur september í þriðja sinn

Gulur september var haldinn í þriðja skiptið með góðum árangri. Í Gulum september er lögð áhersla á að auka meðvitund fólks um mikilvægi geðræktar og sjálfsvígsforvarna með kærleika, aðgát og umhyggju að leiðarljósi. Sorgarmiðstöð er hluti af skipulagshópnum sem stendur á bakvið Gulan september ásamt Embætti landlæknis, Geðhjálp, Heilsugæslu höfuðborgarsvæðisins, Landspítala, Lífsbrú, Minningarsjóði Orra Ómarssonar, Píeta samtökunum, Rauða krossinum, SÁÁ, Þjóðkirkjunni og Þróunarmiðstöð íslenskrar heilsugæslu.

Áherslan í ár í Gulum september var á eldra fólk og bauð Sorgarmiðstöð upp á erindi þann 18. september þar sem fjallar varð um einmanaleikann eftir ástvinamissi en Guðrún Ágústsdóttir flutti erindið. Fjölbreytt dagskrá var í boði og má þar helst nefna opnunarviðburðinn sem haldinn var 1. september og svo minningarstund sem haldin var 10. september í Langholtskirkju.

Ný heimasíða átaksins lét dagsins ljós í ár en hana má finna undir www.gulurseptember.is