Landlæknir í heimsókn

Föstudaginn 6. júní kíkti María Heimisdóttir núverandi landlæknir í heimsókn í Sorgarmiðstöð. Þetta var góður fundur og mikill heiður að fá hana en þetta var í fyrsta skipti sem María kíkti í heimsókn til okkar en hún tók við landlæknisembættinu í febrúar 2025.

Landlæknir hefur verið verndari Sorgarmiðstöðvar og með því er áréttað að stuðningur við syrgjendur falli undir lýðheilsustarf og sé mikilvægur þáttur lýðheilsu. Embætti landlæknis og Sorgarmiðstöð hafa starfað saman frá stofnun Sorgarmiðstöðvar, meðal annars við gerð upplýsingaefnis, að vitundarvakningu og að forvarnarverkefnum í tengslum við sjálfsvíg.

Á fundinum með Maríu voru viðstaddar Kristín Lilja Sigurðardóttir, framkvæmdastjóri Sorgarmiðstöðvar, Anna Guðný Hermannsdóttir, verkefnastjóri H48, Díana Sjöfn Jóhannsdóttir, markaðsfulltrúi Sorgarmiðstöðvar og Guðrún Jóna Guðlaugsdóttir, verkefnastjóri Lífsbrúar.