Bækur fyrir börn í sorg

25/06/2026

Sorgarmiðstöð fékk kærkomna heimsókn frá Heiðrúnu Helgu Bjarnadóttur Back
sem tók að sér að þýða og flytja inn bækur og kennsluefni fyrir börn í sorg. Efnið var upphaflega gefið út í Danmörku í samstarfi við dönsku sorgarmiðstöðina og er eftir Julie Døssing Frost.

Bækurnar fjalla um íkornann Korku og vini hennar sem hjálpa börnum að setja orð á tilfinningar tengdar sorg, söknuði, lífi og dauða. Um leið veita þær foreldrum og fagfólki stuðning til að eiga opið og öruggt samtal við börn um erfið málefni.

Sögurnar eru hlýjar, fjörugar og fullar af lífi, þótt þær fjalli um sorg og missi. Þær minna okkur á að hægt er að sakna og vera glöð á sama tíma, og að minningar og tengsl lifa áfram á sinn hátt 🧡

Bækurnar fást bæði stakar og saman í pakka með öðru kennsluefni. Í pakkanum/koffortinu eru allar fimm bækurnar, verkefna- og samræðuspjöld, bangsi, skikkja og fræðsluefni um sorg og sorgarviðbrögð barna. Bækurnar er hægt að nálgast hér.
Til þess að kaupa Koffortið þarf að hafa samband við Kirkjuhús í síma 528 4200

Sorgarmiðstöð fékk eitt eintak af kofforti að gjöf frá Kirkjuhúsi og er það nú aðgengilegt til skoðunar og að láni hjá Sorgarmiðstöð. Fyrir frekari upplýsingar um útlán má hafa samband við sorgarmidstod@sorgarmidstod.is

Bækur fyrir börn í sorg

Sorgarmiðstöð fékk kærkomna heimsókn frá Heiðrúnu Helgu Bjarnadóttur Backsem tók að sér að þýða og flytja inn bækur og kennsluefni fyrir börn í sorg. Efnið ...

Sorgarhlaupið

Fyrsta Sorgarhlaupið tókst afar vel og erum við innilega þakklát öllum þeim sem tóku þátt, mættu á svæðið og komu að skipulagi og uppsetningu viðburðarins. ...

Karlmenn og sorg

Fimmtudaginn 28. maí stóð Sorgarmiðstöð fyrir viðburðinum “Karlmenn og sorg” í Vídalínskirkju. Mæting fór fram úr björtustu vonum og greinilegt er að þörf er á ...

Styrkur frá Nemendafélagi Menntaskóla Borgarfjarðar

Sorgarmiðstöð barst á dögunum afar kærkomin styrkur frá nemendafélagi Menntaskóla Borgarfjarðar sem hélt góðgerðarviku nú í vor til styrktar Sorgarmiðstöðvar. Alls söfnuðust 642.477 krónur sem ...

Heiðursbollinn afhentur Rósu Kristjánsdóttur

Valdís Ólafsdóttir er hönnuður Heiðursbollans í ár. Valdís hannar undir merkinu “Dísa- Litlu hlutir lífsins” og vinnur mest með postulín sem hún steypir í gifsmót. Valdís ...

Sorgarmiðstöð hlýtur hvatningarverðlaun frá Rótarýklúbbnum

Það var Sorgarmiðstöð mikill heiður að hljóta hvatningarverðlaun Rótarýklúbbs Straums þann 7. maí 2026. Viðurkenningin er mikilvæg hvatning fyrir starfsemi Sorgarmiðstöðvarinnar og staðfesting á ...