Augnhvílan er  hita- eða kælipoki ætluð fyrir augnsvæðið. Hægt er að hita hana í ofni, kæla í frysti eða nota hana eins og hún kemur fyrir. Augnhvílur eru góðar við höfuðverk, hvarmabólgu eða þreytu og þrota. Augnhvílan getur líka bara hjálpað að ná ró.

Einnig  er gott að leggja á enni eða kinnar til dæmis við ennis- eða kinnholusýkingum til að hita eða kæla svæðið.

Þessar fallegu augnhvílur eru afrakstur verkefnisins „Veitum hlýju“  þar sem VISS vinnustofa á Flúðum saumuðu poka úr afgangsefni sem féll til hjá þeim fyrir Sorgarmiðstöð.

Hitun: örbylgjuofn í 30 – 60 sekúndur  eða  í bakaraofni í 3-4 mínútur við 120°c.

Kæling: í plastpoka í frysti í  hálftíma.

Augnhvíluna má ekki setja í þvottavél. Hún inniheldur hrísgrjón.