Dánarvottorð

• Dánarvottorð fæst á sjúkrahúsi þar sem hinn látni lést eða hjá lækni sem annast hefur hinn látna. 
• Dánarvottorð er annað hvort rafrænt eða á pappír. Læknir upplýsir aðstandendur um það hvort dánarvottorðið verði gefið út rafrænt eða á pappír.
• Tilkynna þarf andlátið til sýslumanns eins fljótt og kostur er eftir útgáfu vottorðsins.
• Dánarvottorð sýnir dánardag og dánarstað auk hjúskaparstöðu við andlát.
• Dánarvottorð er annars vegar tilkynning til Þjóðskrár um banamein og andlát viðkomandi og hins vegar tilkynning til sýslumanns um andlátið.  
• Sýslumaður sendir dánarvottorðið til þjóðskrá.
• Dánarvottorð er afhent venslamanni, svo sem maka eða öðrum nánum aðstandanda. 
• Aðstandandi ber ábyrgð á að afhenda dánarvottorðið sýslumanni rafrænt eða á starfstöð í því umdæmi þar sem hinn látni átti lögheimili þegar hann lést.
• Hafi hinn látni verið búsettur erlendis skal dánarvottorð afhent sýslumanni í því umdæmi þar sem útför fer fram.
• Rafrænt dánarvottorð berst sjálfkrafa til sýslumanns frá þeim lækni sem gefur dánarvottorðið út. Á vottorði er aðstandandi hins látna tilgreindur.
• Rafræna dánarvottorðið er ekki það sama og tilkynning til sýslumanns um andlát. Tilgreindur aðstandandi verður að tilkynna sýslumanni um andlátið eins fljótt og auðið er.

Tveir möguleikar eru til þess:

1. Tilkynna andlátið rafrænt
   *Fara inn á island.is/andlatstilkynning
   *Tilgreindur aðstandandi fær skilaboð í pósthólf sitt á island.is þar sem má finna hlekk á rafræna andlátstilkynningu.
2. Tilkynna andlátið með því að mæta á starfsstöð sýslumanns.

• Dánarvottorð á pappír þarf aðstandandi að sækja á heilbrigðisstofnun þar sem það var gefið út og fara með það á starfsstöð sýslumanns til að tilkynna andlátið.
• Þegar sýslumaður hefur móttekið andlátstilkynningu, fær aðstandandi sent vottorð um tilkynningu andláts í pósthólf sitt á island.is sem hann afhendir presti eða þeim sem annast útför.
• Athugið að útför getur ekki farið fram fyrr en sýslumanni hefur borist andlátstilkynningin og í framhaldi staðfestir hann dánarvottorðið.
• Sýslumaður aðstoðar eftirlifendur með dánarbú og veitir upplýsingar um erfðamál. 
• Sýslumaður sendir tilkynningu til innlánsstofnana og biður um að innistæður á reikningum hins látna séu frystar.