Sorgarmiðstöð fer af stað með gönguhóp

Þegar við upplifum áfall eins og ástvinamissi er flestum hjálplegt að komast í kynni við og hitta aðra sem eru í sömu sporum, finna skilning og stuðning þeirra sem deila reynslu.
Það er sumt sem getur hjálpað okkur til að líða betur eins og hreyfing og útivist. Að nýta náttúruna og útiveru gefur okkur orku og losar um spennu. Göngur eru hjálplegar þegar við tökum skrefin framávið í sorgarferlinu.

Gönguhópur Sorgarmiðstöðvar SKREF FYRIR SKREF ætlar að bjóða upp á skipulagðar göngur fyrsta þriðjudag í mánuði. Gengið verður á mismunandi staði og farið á þeim hraða sem hentar hópnum. Það þarf ekki að skrá sig, aðeins að mæta á réttum tíma á réttum stað.

Allar göngur eru auglýstar undir Dagskrá á heimasíðu sorgarmiðstöðvar.