10. september – Alþjóðlegur forvarnardagur sjálfsvíga

Alþjóðlegur forvarnardagur sjálfsvíga er 10. september. Tilgangur dagsins er að stuðla að forvörnum sjálfsvíga, minnast þeirra sem hafa dáið í sjálfsvígi og sýna stuðning og samhug þeim sem hafa misst ástvin í sjálfsvígi.

Í aðdraganda dagsins í ár verða kyrrðarstundir víða um land, kvikmyndasýning verður í Bíó Paradís og er fólk hvatt til að kveikja á kerti heima og setja í glugga kl.20 að kvöldi laugardags 10. september.

Dagskrá fyrir syrgjendur og þau sem vilja sýna sjálfsvígsforvörnum stuðning

7. september kl. 20:00 – Víðistaðakirkja
Kyrrðar og samverustund leidd af Sr. Braga Ingibergssyni, Hafdís Huld Þórólfsdóttir og Björgvin Franz Gíslason flytja hugleiðingar og Sveinn Arnar heldur utan um tónlistina. Allir velkomnir.

10. september kl. 20:00 – Akraneskirkja
Ávarp, hugleiðing og bæn, ásamt ljúfum tónum. Mjöll Barkardóttir verður með hugvekju. Kveikt á kertum í minningu látinna ástvina. Kaffisopi og spjall eftir stundina. Allir velkomnir.

10. september kl. 20:00 – Glerárkirkja
Dagskráin er samstarfsverkefni, Grófarinnar, Pieta, Sorgarmiðstöðvar og Þjóðkirkjunnar. Séra Sindri Geir Óskarsson leiðir stundina. Tónlistarflutningur og kveikt verður á kertum í minningu látinna ástvina. Samverustund og kaffisopi á eftir. Allir velkomnir.

10. september kl: 20.00 – Egilsstaðakirkja
Sr. Kristín Þórunn og sr. Sigríður Rún Tryggvadóttir leiða stundina. Torvald Gjerde, faðir, deilir reynslu sinni. Tónlistarflutningur í höndum Sándors Kerekes.
Kveikt á kertum í minningu látinna ástvina. Kynning á starfi fyrir syrgjendur eftir stundina sem og kaffi og spjall.

11.september kl:20 – Keflavíkurkirkja
Sr. Erla og sr. Fritz Már leiða stundina. Aðstandi deilir reynslu sinni. Kór Keflavíkurkirkju syngur við undirleik Arnórs Vilbergssonar, organista. Kveikt á kertum í minningu látinna ástvina.
Kynning verður á starfi fyrir syrgjendur og fyrirhuguðu samstarfi við Píetasamtökin eftir stundina.

11. september – Kvikmyndasýning
Heimildarmyndin, Út úr myrkrinu, sem fjallar um sjálfsvíg á Íslandi og reynslu aðstandenda þeirra sem hafa dáið í sjálfsvígi verður sýnd í Bíó Paradís kl.15:00, allir velkomnir meðan húsrúm leyfir. Myndin verður einnig á dagskrá RÚV kl. 20:30.
Tónlistin í myndinni er eftir Óskarsverðlaunahafann Hildi Guðnadóttur. Leikstjórn: Helgi Felixson og Titti Johnson. Sýnishorn; https://bioparadis.is/kvikmyndir/ut-ur-myrkrinu/

12. september kl. 20:00 – Dómkirkjan
Systur sjá um tónlistarflutning. Jóhanna María Eyjólfsdóttir djákni flytur hugvekju, Einar Þór Jónsson verður með innlegg sem aðstandandi eftir sjálfsvíg og Guðrún Jóna Guðlaugsdóttir verður fundarstjóri. Í lok stundarinnar verður kveikt á kertum til minningar um látna ástvini.

Sjá nánar um viðburði í tengslum við daginn hér;

Að dagskránni á höfuðborgarsvæðinu stendur vinnuhópur fulltrúa frá: Embætti landlæknis, Geðhjálp, Geðsviði Landspítala og BUGL, Heilsugæslunni, Minningarsjóði Orra Ómarssonar, Píeta samtökunum, Rauða krossi Íslands, Sorgarmiðstöð og Þjóðkirkjunni.

Minningartónleikar til styrktar Sorgarmiðstöð
Þann 24.ágúst 2023 hefði Bjarki Friðriksson orðið fimmtugur, en hann lést skyndilega úr heilahimnubólgu árið 1993. Systir Bjarka, Sigríður Eyrún Friðriksdóttir leik og tónlistarkona ætlar ...
Takk fyrir að hlaupa fyrir Sorgarmiðstöð
Kæru hlauparar, hvetjarar og þið sem gáfuð áheit og stuðning færum við okkar bestu þakkir. Það er mikilvægt fyrir félag eins og Sorgarmiðstöð sem rekin ...
Sjálfboðaliðakvöld
Strax í upphafi starfsársins fengum við til okkar sjálfboðaliða sem aðstoðuðu okkur við að undirbúa þátttöku Sorgarmiðstöðvar í Reykjavíkurmaraþoninu. Sorgarmiðstöð verður að sjálfsögðu með bás ...
Ný dögun hefur hætt starfsemi 
Ný dögun, eitt aðildarfélaga Sorgarmiðstöðvar hefur hætt starfsemi og þjónustan flust í Sorgarmiðstöð.  Þetta eru tímamót því Ný dögun var elsta grasrótarfélagið á sviði sorgarúrvinnslu, stofnað 1987 af ...
Stuðningur frá Konsept
Styrkur er ekki alltaf í formi fjárframlaga. Síðastliðinn fjögur ár hefur Sorgarmiðstöð fengið mikinn stuðning í formi þjónustu frá fyrirtækinu Konsept. Steinþór hönnuður og tæknigúrú ...
Ný stjórn Sorgarmiðstöðvar
Ný stjórn Sorgarmiðstöðvar var kosin á aðalfundi þann 23. maí. Á aðalfundi voru samþykkt ný lög og var ákveðið að fækka í stjórn úr 7 ...

LÍFSGÆÐASETUR Í ST. JÓ

SUÐURGATA 41, 220 HAFNARFJÖRÐUR

sorgarmidstod@sorgarmidstod.is

Sími: 551 4141

Kennitala: 521118-0400
Reikningsnúmer: 0513-26-009753

Landlæknisembættið er verndari Sorgarmiðstöðvar

Á heimasíðu Sorgarmiðstöðvar eru notaðar kökur (e. cookies). » meira