Þann 27. nóvember stóð Sorgarmiðstöð fyrir hugleiðingu og jólagöngu. Viðburðurinn hófst í húsakynnum Sorgarmiðstöðvar þar sem Gísli Álfgeirsson stjórnarmeðlimur í Sorgarmiðstöð flutti stutta hugleiðingu um tyllidaga og hátíðir. Þaðan var rölt í gegnum miðbæ Hafnarfjarðar og að Hellisgerði þar sem Rósa Guðbjartsdóttir bæjarstjóri í Hafnarfirði hélt fallega tölu. Kórinn Hljómfélagið flutti okkur yndislega og ljúfa tóna. Kveikt var á tré til minningar um ástvini okkar sem hafa fallið frá og við hlýjuðum okkur með heitu kakói. Jólaandinn var svo sannarlega á ferð þetta kvöld.
Takk kærlega fyrir yndislega samverustund.
![](https://sorgarmidstod.is/wp-content/uploads/2022/11/315272050_441219144865018_6075136458261771396_n-1024x462.jpg)
![](https://sorgarmidstod.is/wp-content/uploads/2022/11/317160194_1309753243172807_122366457514632754_n-1024x462.jpg)
![](https://sorgarmidstod.is/wp-content/uploads/2022/11/317000514_627872865746802_7443863216652672154_n-1024x462.jpg)
![](https://sorgarmidstod.is/wp-content/uploads/2022/11/317034823_2399495603551567_3191928593894831283_n-462x1024.jpg)
![](https://sorgarmidstod.is/wp-content/uploads/2022/11/316975316_832168087831792_2870932335935837188_n-462x1024.jpg)