Samtal eftir sýninguna „Ég hleyp“

Borgarleikhúsið og Sorgarmiðstöð buðu upp á umræður eftir sýninguna „Ég hleyp“ þann 7. apríl. Í umræðum tóku þátt Harpa Arnardóttir leikstjóri, Gísli Örn Garðarsson leikari og Maríanna Clara Lúthersdóttir sem er listrænn ráðunautur leikhússins. Frá Sorgarmiðstöð voru Steinunn Sigurþórsdóttir og Gunnar Lúðvík Gunnarsson en þau deila þeirri sáru reynslu að hafa misst barn.
Leikhúsgestir tóku einnig þátt í umræðunum með spurningum úr sal. Umræðurnar tókust vel og gáfu enn betri sýn á verkið ásamt því að gestir fengu að vita hvernig leikarinn undirbýr sig daginn fyrir sýningu.
Ein af þeim spurningum sem kom fram var: Er sýningin hjálpleg þeim sem hafa nýlega misst ástvin?
Eins og með svo margt þá er misjafnt hvað hjálpar fólki í sorginni, við erum öll ólík og ekki hægt að svara þessu á einfaldan máta en þeir syrgjendur sem voru í salnum voru sammála um að hægt sé að tengja sterkt við þær krefjandi tilfinningar sem komu fram hjá syrgjandi föður. Það kom líka fram í umræðunum að ein af ástæðum þess að ráðist var í að setja upp verkið var að aðstandendum sýningarinnar fannst mikilvægt að að opna umræðuna um sorgina og dauðann og þann vandræðagang sem syrgjendur upplifa frá fólkinu í kring sem ekki veit hvað skal segja eða gera.
Sorgarmiðstöð þakkar Borgarleikhúsinu kærlega fyrir samvinnuna í þessum umræðum. Sérstakar þakkir fær Gísli Örn leikari sem skilar hlutverki sínu á einstakan hátt og í leiðinni að láta syrgjendur njóta puðsins af þeirri vinnunni en Gísli Örn lætur allan ágóða af sýningunni renna til góðra málefna.

Oddfellowstúka nr. 27, Sæmundur fróði, gefur Sorgarmiðstöð gjöf
Bræður í Oddfellowstúkunni nr. 27, Sæmundur fróði, komu færandi hendi með styrk til Sorgarmiðstöðvar að upphæð 250.000 kr. Guðrún Þóra Arnardóttir starfsmaður Sorgarmiðstöðvar tók við ...
Annar þáttur hlaðvarps Sorgarmiðstöðvar kominn í loftið
Annar þáttur hlaðvarpsins „Sorg og Missir“ sem Sorgarmiðstöð gefur út í samstarfi við mbl.is er kominn í loftið. Annar þátturinn kallast „Að elska eftir makamissi“ ...
Gulli Reynis færir Sorgarmiðstöð gjöf
Gulli Reynis færði Sorgarmiðstöð að gjöf allan ágóðann af tónleikunum „Lögin hans Halla“ sem haldnir voru fyrir fullu húsi í Bæjarbíói 18.nóvember sl. Á tónleikunum ...
Heiðursbollinn 2022 – ert þú með ábendingu?
Árlega veitir Sorgarmiðstöðs vel völdum aðila Heiðursbollann fyrir framlag í þágu syrgjenda. Í febrúar 2023 verður Heiðursbollinn fyrir árið 2022 afhentur. Ert þú með ábendingu ...
Sorg og Missir – hlaðvarp Sorgarmiðstöðvar
Í samstarfi við mbl.is hefur Sorgarmiðstöð gefið út hlaðvarpið Sorg og Missi. Fyrsti þátturinn kallast „Jólin og sorgin“ og er þar rætt við Ínu Lóu ...
Skrifstofa Sorgarmiðstöðvar lokar yfir hátíðarnar
Skrifstofa Sorgarmiðstöðvar verður lokuð dagana 19. desember – 3. janúar. Ef erindið er brýnt er hægt að senda okkur tölvupóst á sorgarmidstod@sorgarmidstod.is Allar pantanir sem ...

LÍFSGÆÐASETUR Í ST. JÓ

SUÐURGATA 41, 220 HAFNARFJÖRÐUR

sorgarmidstod@sorgarmidstod.is

Sími: 551 4141

Kennitala: 521118-0400
Reikningsnúmer: 0513-26-009753

Landlæknisembættið er verndari Sorgarmiðstöðvar

Á heimasíðu Sorgarmiðstöðvar eru notaðar kökur (e. cookies). » meira