Sorgarmiðstöð á norðurlandi

Þann 16.-17. febrúar fóru þær Guðrún Jóna Guðlaugsdóttir fagstjóri og Ína Lóa Sigurðardóttir framkvæmdastjóri til Akureyrar.
Tilgangur ferðarinnar var að efla þjónustu við syrgjendur á norðurlandi.

Var það gert með því að þjálfa væntanlega hópstjóra eftir verklagi Sorgarmiðstöðvar, flytja erindið ,,Þegar ástvinur deyr“ en það verður reglulega á dagskrá hjá Sorgarmiðstöð/Samhygð á Akureyri fyrir þau sem hafa nýlega misst ástvin. Einnig var erindið ,,Sorg barna og skólasamfélagið“ flutt fyrir stjórnendur grunnskóla á norðurlandi.
Bæklingar, bækur, leiðiskerti og annar varningur var ferjaður norður og er nú hægt að nálgast hann hjá Samhygð/Sorgarmiðstöð á norðurlandi.

Við erum einstaklega ánægð með að vera farin að þjónusta landsbyggðina betur og hvetjum alla sem hafa áhuga á að skrá sig í stuðningshópastarf að gera það hér

Hlökkum til að efla þjónustuna á landsbyggðinni enn frekar.