Barnsmissir á meðgöngu

Sérhverri þungun fylgja vonir og draumar. Við sjáum fyrir okkur nýtt líf og horfum fram á veginn. Við undirbúum okkur fyrir foreldrahlutverkið og leyfum okkur að hlakka til. Langoftast vakna þessar vonir og þessir draumar á þeirri stundu sem þungunin er orðin að veruleika. Þegar barn deyr í móðurkviði hverfa um leið allir draumarnir, vonirnar og væntingarnar, og eftir sitja foreldrar með sorg og söknuð. Fagleg aðstoð, fjölskyldan, vinir og – kannski einna mikilvægast – einstaklingar í svipaðri stöðu eru flestum besta hjálpin. 

Missir á meðgöngu: 12 vikur eða styttra

Annan hvern fimmtudag í haust 2023 verður boðið upp á þematengdar samverustundir á vegum Gleym mér ei í Sorgarmiðstöðinni, ein samverustundin er helguð missi undir 12 vikum.

Skoðið fræðsluerindi um missi undir 12 vikum eða kannið hvort ráðgjafasamtal við fulltrúa Gleym mér ei sé fyrir þig.

Skoða viðburði á vegum Gleym mér ei.

Skoða viðburði á vegum Sorgarmiðstöðvar.

Missir á meðgöngu: 12 til 21 vikur

Annan hvern fimmtudag í haust 2023 verður boðið upp á þematengdar samverustundir á vegum Gleym mér ei.

Sorgarmiðstöð hefur boðið upp á stuðningshópastarf fyrir foreldra og einstaklinga sem misst hafa á meðgöngu, en aðeins er farið af stað með hópinn ef hann er fullskipaður. Ef þú hefur áhuga á stuðningshópastarfi árið 2024, sendu póst á gme@gme.is.

Æskilegt er að um sex mánuðir séu frá missi þegar stuðningshópurinn fer af stað. Stuðningshópastarfið er iðulega í sex skipti. Staðfestingargjald er 3.000 kr. en þáttakendur fá í staðinn bók að gjöf. Ef báðir foreldrar ætla að mæta verða þeir báðir að skrá sig. Staðfestingargjald á að greiða eftir að hópstjórar hafa staðfest skráningu þína með samtali.

Þú getur einnig sótt um jafningjastuðning Sorgarmiðstöðvar eða pantað ráðgjafasamtal á vegum Gleym mér ei.

Missir á meðgöngu: 22 vikur eða lengra

Landspítali Háskólasjúkrahús býður foreldrum/einstaklingum, sem misst hafa barn eftir 22 vikna meðgöngu, í stuðningshópastarf. Tveir hópar eru skipulagðir, einn að vori og annar að hausti. Athugið að gott er að láta sex mánuði líða frá missinum áður en þú kemur í hópastarf. Nánari upplýsingar og skráning á bjarneyh@landspitali.is og/eða dagbjoei@landspitali.is.