Minningarmót Sigurðar Jóhanns í Mjölni

Sunnudaginn 2. febrúar hélt Mjölnir minningarmót til heiðurs Sigurði Jóhanni Rui Helgasyni. Sigurður Jóhann var iðkandi og þjálfari í Mjölni til fjölda ára en hann lést aðeins 18 ára gamall, þann 7. mars 2021. Mótið var barna – og ungmennamót fyrir 5 – 17 ára keppendur.Allur ágóði af mótinu rann til Sorgarmiðstöðvar og þökkum við […]
Kristín Lilja nýr framkvæmdastjóri Sorgarmiðstöðvar

Kristín Lilja Sigurðardóttir hefur verið ráðin í stöðu framkvæmdastjóra Sorgarmiðstöðvar. Kristín Lilja er með BSc gráðu í sölu- og markaðsfræðum frá dönskum háskóla, þar að auki lauk Kristín MBA námi frá skoskum háskóla vorið 2022 þar sem hún bætti við sig meistaragráðu í stjórnun. Kristín Lilja hefur víðtæka reynslu í verkefnastjórnun og rekstri en þar […]
Starfshópur afhenti tillögur að aðgerðaráætlun til að fækka sjálfsvígum á Íslandi

Undanfarna mánuði hefur starfshópur sem skipaður var af fyrrum heilbrigðisráðherra, Willum Þór Þórssyni, unnið tillögur að nýrri aðgerðaáætlun til að fækka sjálfsvígum á Íslandi, fyrir árin 2025 – 2030. Þann 21. janúar skilaði starfshópurinn tillögu sinni að nýrri aðgerðaáætlun til Ölmu D. Möller heilbrigðisráðherra. Jóhanna María Eyjólfsdóttir, fagstjóri Sorgarmiðstöðvar, var hluti af starfshópnum en með […]
Skrifstofa Sorgarmiðstöðvar lokar yfir hátíðarnar

Skrifstofa Sorgarmiðstöðvar verður lokuð dagana 23. desember – 3. janúar. Ef erindið er brýnt er hægt að senda okkur tölvupóst á sorgarmidstod@sorgarmidstod.is Allar pantanir úr vefverslun sem berast á þeim tíma verða afgreiddar þriðjudaginn 8. janúar. Við óskum ykkur Gleðilegra jóla og þökkum fyrir allan stuðning og samstarf á árinu sem er að líða.
Leiðiskransagerð – námskeið

Í vikunni bauð Sorgarmiðstöð upp á námskeið í gerð kransa fyrir leiði í samstarfi við Ingunni Björk Vilhjálmsdóttur kransagerðakonu. Ingunn kom og kenndi okkur helstu handbrögðin við að útbúa fallegan krans og gaf hún vinnu sína til Sorgarmiðstöðvar og þökkum við henni vel fyrir.Aðsóknin á námskeiðið var mjög góð og fannst öllum stundin vera kærkomin tilbreyting […]
Sorgartrén nú orðin tvö

Sorgartré Sorgarmiðstöðvar eru núna orðin tvö en Sorgarmiðstöð eignaðist í upphafi aðventunnar sorgartré í Lystigarðinum á Akureyri. Það er staðsett syðst í Lystigarðinum, austan við kaffihúsið. Hugmyndin með Sorgartrénu er að öll þau sem hafa misst ástvin geti sest undir tréð, gefið sér tíma og minnst ástvina sinna sem fallin eru frá. Jólin og aðventan […]
Sorgartréð tendrað í þriðja sinn

Tendrað verður á Sorgartré Sorgarmiðstöðvar þriðja árið í röð í Hellisgerði sunnudaginn 1. desember. Í augum flestra eru jólin tími tilhlökkunar og gleði en þau geta líka verið erfiður tími, sérstaklega fyrir þau sem hafa misst ástvin. Viðburðurinn mun hefjast í Lífsgæðasetrinu St. Jó, Hafnarfirði, kl. 17:30, þar farið verður með nokkur orð um jólin […]
Sorgarmiðstöð með fulltrúa á evrópskri sorgarráðstefnu í Dublin

Jóhanna María fagstjóri Sorgarmiðstöðvar fór á evrópska sorgarráðstefnu í Dublin 11. – 13. nóvember. Um fjögur hundruð manns mættu á ráðstefnuna og þar á meðal voru fjórir íslenskir fulltrúar. Þeir sem stóðu á bakvið ráðstefnuna í ár voru Irish Hospice Foundation, Bereavement Network Europe (BNE), RCSI Háskólinn í Dublin og Sorgarmiðstöð Danmerkur, Det Nationale sorgcenter. […]
Samtal eftir sýninguna Sýslumaður dauðans

Sorgarmiðstöð fór í samstarf við Borgarleikhúsið og hélt sérstaka umræðusýningu þann 17. nóvember síðastliðinn á leikverkinu Sýslumaður dauðans. Verkið er eftir Birni Jón Sigurðsson og er uppsetningunni leikstýr af Stefáni Jónssyni. Jóhanna María fagstjóri og Díana Sjöfn markaðsfulltrúi fóru fyrir hönd Sorgarmiðstöðvar og sköpuðust mjög góðar umræður við leikstjóra, handritshöfund og leikara um sorg og […]
Anna Guðný nýr verkefnastjóri Hjálp48

Anna Guðný Hermannsdóttir hefur verið ráðin verkefnastjóri yfir verkefninu Hjálp48 en hún hóf störf í júní 2024. Verkefnið Hjálp48 felur í sér þróun, prófun og innleiðingu á stuðningi við aðstandendur eftir skyndilegan missi ástvinar. Ef fólk deyr heima eða utan spítala þá er ekkert “kerfi” sem grípur aðstandendur, sem er ólíkt því sem gerist ef […]
Sorgarmiðstöð á Akureyri

Jóhanna María Eyjólfsdóttir, fagstjóri Sorgarmiðstöðvar, og Anna Guðný Hermannsdóttir, verkefnastjóri Hjálp 48, fóru á dögunum í ferð til Akureyrar til að vinna að og undirbúa Hjálp 48 verkefnið. Hjálp 48 verkefnið gengur út á að grípa einstaklinga innan 48 tíma sem missa ástvin skyndilega og veita þeim stuðning og viðeigandi hjálp strax í upphafi. Þær […]
Könnun um sorgarstuðning á Norðurslóðum

Sorgarmiðstöðin er aðili að norrænu samstarfi sem hefur meðal annars að markmiði að rannsaka hvað reynist vel varðandi stuðning eftir ástvinamissi. Óskað er eftir þátttöku í könnun sem fjallar um sorgarstuðning fyrir einstaklinga sem misst hafa í sjálfsvígi á Norðurslóðum. Könnunin er partur af verkefni sem kallast „Bereavement Support in the Arctic‘‘ þar sem aðaláherslan […]
Sjöundi þáttur hlaðvarps Sorgarmiðstöðvar er kominn í loftið

Sjöundi þáttur hlaðvarpsins Sorg og missir er kominn í loftið og hægt er að nálgast hann hér á heimasíðu okkar og á streymisveitunni Spotify. Þátturinn ber titilinn “Gleymmérei, sorg við barnsmissi og flókin sorg“. Í þessum þætti er rætt við Sigrúnu Kristínu sem að missti ófætt barn sitt á 38. viku meðgöngu, en hún hefur […]
Gulur september

Sorgarmiðstöð tók þátt í verkefninu Gulur september þar sem stofnanir og félagasamtök unnu saman að geðrækt og sjálfsvígsforvörnum. Allur Septembermánuður var lagður undir og voru á dagskrá ýmis fræðsluerindi, viðburðir, og uppákomur, ásamt því að veita viðurkenningu til þeirra sem hafa lagt sitt af mörkum til sjálfsvígsforvarna.Samfélagið var virkjað til þátttöku í Gulum September og […]
Barre til styrktar Sorgarmiðstöð

Nemendur í viðburðastjórnun frá háskólanum á Hólum héldu styrktarviðburð fyrir Sorgarmiðstöð. Boðið var upp á Barre í samstarfi við Arnfríði hjá NÚNA collective studio. Barre er blanda af pilates, jóga, styrktaræfingum og teygjum. Undirtektirnar urðu einstaklega góðar og var því ákveðið að halda tvo viðburði þar sem seldist upp á þá báða. Að tilefni af […]
Við eigum afmæli í dag

Í dag marka 6 ár frá stofnun Sorgarmiðstöðvar. Grasrótarfélög á sviði sorgarúrvinnslu hittust árið 2018 og voru sammála um að bæta þyrfti þjónustu við syrgjendur með sterkri miðstöð þar sem syrgjendur og aðrir gætu gengið að upplýsingum og þjónustu á einum stað. Sorgarmiðstöð hefur þjónustað um 7 þúsund manns á þessum árum. Við vonumst eftir […]
Oddfellow konur í heimsókn

Rúmlega 70 Oddfellow konur kíktu í heimsókn í Sorgarmiðstöð síðastliðna helgi. Þær fengu fræðslu um sorgina og kynningu á starfsemi Sorgarmiðstöðvar.Oddfellow reglan hefur stutt vel við bakið á Sorgarmiðstöð í gegnum árin og var því einstaklega ánægjulegt að fá þessa dýrmætu heimsókn. Að lokinni kynningu gekk hópurinn um Lífsgæðasetrið og heillaðist af húsinu og allri […]
Sorgarmiðstöð á kirkjudögum

Sorgarmiðstöð tók þátt í kirkjudögum sem fóru fram dagana 25. ágúst til 1. september. Þar komu saman einstaklingar af öllu landinu og var sálgæsla í brennidepli dagskrárinnar.Dagskráin var haldin í Lindakirkju og hófst með helgistund sr. Elínborgar Sturludóttur dómkirkjuprests. Í framhaldi helgistundar var boðið upp á málstofur þar sem fjölbreytt efni var á dagskrá. Sorgarmiðstöð […]
KRAFTUR í heimsókn

Í síðustu viku fékk Sorgarmiðstöð dásamlega heimsókn frá starfsfólki KRAFTS. Þau fengu kynningu á starfseminni okkar en einnig var gefinn góður tími í samtal um mikilvægi félagasamtaka eins og þeirra sem við störfum fyrir.Sorgarmiðstöð er rík að eiga góða vináttu og stuðning í félagasamtökum eins og Krafti. Takk fyrir komuna
Ný stjórn Sorgarmiðstöðvar

Ný stjórn var kosin á aðalfundi Sorgarmiðstöðvar þann 23. maí sl. Þau sem sitja áfram í stjórn eru Berglind Arnardóttir formaður, K. Hulda Guðmundsdóttir og Guðfinna Hallgrímsdóttir en hún var áður í varstjórn. Nýir aðilar í stjórn eru Kolbeinn Elí Pétursson og Lóa Björk Ólafsdóttir.Í varastjórn sitja Anna Dagmar Arnarsdóttir og Hólmfríður Anna Baldursdóttir en […]
Sorgarmiðstöð á Norðurlandi

Í síðustu viku heimsótti Sorgarmiðstöð Norðurland en undanfarin ár hefur Sorgarmiðstöð verið í samvinnu við Samhygð, félag um sorg og sorgarviðbrögð á Norðurlandi. Megin tilgangur ferðarinnar var að mæta á aðalfund Samhygðar þar sem félagið sameinaðist Sorgarmiðstöð. Þær Ína Lóa Sigurðardóttir framkvæmdastjóri og Berglind Arnardóttir formaður mættu norður að þessu tilefni og settu í framhaldi […]
Sjötti þáttur hlaðvarps Sorgarmiðstöðvar er kominn í loftið

Sjötti þátturinn kallast „Kraftur í kjölfar barnsmissis og Ný dögun“. Þar ræðir Karólína Helga Símonardóttir umsjónarmaður hlaðvarpsins við Jónu Dóru Karlsdóttur, sem missti tvo unga syni sína af slysförum. Jóna Dóra er einnig annar stofnenda Nýrrar dögunar sem eru fyrstu sorgarsamtökin á Íslandi en Jóna Dóra og Olga Snorradóttir stofnendur samtakanna fengu heiðursbolla Sorgarmiðstöðvar 2023 […]
Heiðursbollinn 2023

Þriðja árið í röð veitir Sorgarmiðstöð viðurkenningu fyrir sérstakt framlag í þágu syrgjenda á Íslandi. Viðurkenningin er í formi heiðursbolla og í ár veitti Sorgarmiðstöð Heiðursbollann 2023 til þeirra Jónu Dóru Karlsdóttur og Olgu Snorradóttur. Bollinn er unnin af Kristínu Sigfríði Garðarsdóttur keramikhönnuði og var það landlæknir Alma Möller sem afhenti Heiðrsbollann en landlæknisembættið er […]
Samtal eftir sýninguna „Félagsskapur með sjálfum mér“

Tjarnabíó og Sorgarmiðstöð buðu upp á umræður eftir sýninguna „Félagsskapur með sjálfum mér“ þann 14. apríl sl. Í umræðum tóku þátt Tómas Helgi Baldursson leikstjóri og Gunnar Smári Jóhannesson leikari og höfundur. Frá Sorgarmiðstöð voru Birna Dröfn Jónasdóttir og Guðlaug Helga Guðlaugsdóttir en þær deila þeirri erfiðu reynslu að hafa misst foreldri.Áhorfendur tóku einnig þátt í […]
Tilnefnd sem fyrirtæki ársins í Hafnarfirði

Sorgarmiðstöð fékk tilnefningu sem fyrirtæki ársins í Hafnarfirði. Við erum einstaklega stolt að vera tilnefnd með svona flottum fyrirtækjum en útnefningin fór fram við hátiðlega athöfn í Hafnarborg. Fyrirtækin sem fengu tilnefningu eru Te&Kaffi, Betri Stofan, H-Berg, Sorgarmiðstöð og Litla hönnunarbúðin. Við óskum þeim öllum innilega til hamingju og sérstaklega fyrirtækinu Te&Kaffi sem varð fyrir […]
Áframhaldandi samstarf Sorgarmiðstöðvar og Hafnarfjarðarbæjar

Frá upphafi hefur Hafnarfjarðarbær staðið þétt við bakið á Sorgarmiðstöð með aðstöðu í Lífsgæðasetri st. Jó. Sorgarmiðstöð fer afar vel við starfsemina sem ríkir þar enda stuðlar setrið að bættum lífsgæðum fólks þar sem hlýja og umhyggla umlykur alla.Berglind Arnardóttir, stjórnarformaður Sorgarmiðstöðvar og Rósa Guðbjartsdóttir bæjarstjóri Hafnarfjarðar hittust ásamt framkvæmdastjóra Sorgarmiðstöðvar Ínu Lóu Sigurðardóttur og […]
Sorgarmiðstöð fær styrk frá Lýðheilsusjóði

Sorgarmiðstöð fékk 1.200.000 kr. styrk úthlutað úr Lýðheilsusjóði fyrir fræðslu og stuðning við syrgjendur. Willum Þór Þórsson heilbrigðisráðherra veitti styrki til 158 verkefna og rannsókna. Við úthlutun styrkja úr Lýðheilsusjóði var áhersla lögð á að styrkja aðgerðir sem miða að því að efla geðheilsu barna og fullorðinna og var horft til verkefna sem styðja við […]
Erlent samstarf

Einn líður í því að starfsemi Sorgarmiðstöðvar geti haldið áfram að vaxa og dafna er að taka þátt í erlendu samstarfi. Í byrjun mars átti fagstjóri Sorgarmiðstöðvar, Jóhanna María Eyjólfsdóttir, afar upplýsandi og árangursríkan fund í Heilbrigðisráðuneyti Tékklands í Prag. Hann var haldinn í tilefni af komu fagstjórans á kvikmyndahátíð þar sem heimildarmyndin ÚT ÚR […]
Sorgarmiðstöð fær styrk frá þremur ráðuneytum

Mennta- og barnamálaráðuneytið, heilbrigðisráðuneytið og félags- og vinnumarkaðsráðuneytið hafa gert samning við Sorgarmiðstöðina um aukinn stuðning við syrgjendur. „Við erum gríðarlega þakklát fyrir þennan styrk. Hann gerir okkur kleift að halda áfram faglegum stuðningi við syrgjendur, sinna fræðslu og ráðgjöf, auk þess að efla stuðning við börn í sorg,“ segir Ína Lóa Sigurðardóttir framkvæmdastjóri. Styrkurinn […]
Oddfellowstúka Gissur Hvíti styrkir Sorgarmiðstöð

Í síðustu viku við hátíðlega athöfn veitti Oddfellowstúka Gissur Hvíti styrki til mikilvægra málefna. Styrki að andvirði 600.000 kr. hlutu Sorgarmiðstöð, Geðhjálp, Hamarinn og Geiturngurinn. Að ósk styrkveitanda mun styrkur Sorgarmiðstöðvar verða nýttur í ungmennastarfið en sá hópur fer ört stækkandi. Við færum okkar bestu þakkir fyrir góðan stuðning Fyrir hönd Sorgarmiðstöðvar tók Ína Lóa […]
Jólin og sorgin í streymi

Í samstarfi við Hafnarfjarðarbæ verður Sorgarmiðstöð með streymi um jólin og sorgina. Þetta framtak Heilsubæjarins Hafnarfjarðar er liður í heilsueflingu Hafnfirðinga og vina Hafnarfjarðar. Það talar í takt við þá heilsustefnu sem sveitarfélagið mótaði 2016.Eitt af þremur yfirmarkmiðum heilsustefnunnar er að finna leiðir og lausnir til að efla vellíðan íbúa. Erindið verður flutt á facebooksíðu […]
Oddfellowstúka Ari Fróði styrkir Sorgarmiðstöð

Í síðustu viku afhenti Jón Pétursson, ritari Oddfellowstúkunnar Ara fróða, Sorgarmiðstöðinni styrk úr líknarsjóði stúkunnar að upphæð 350.000 kr. Við þökkum fyrir veittan stuðning og hlýhug í okkar garð en styrkurinn mun efla starfsemi okkar og stuðning við syrgjendur ennfrekar. Fyrir hönd Sorgarmiðstöðvar tók Jóhanna María Eyjólfsdóttir fagstjóri á móti styrknum.
Sorgarmiðstöð var afhentur styrkur

Ingibjörg Bjarney Baldursdóttir afhenti Sorgarmiðstöð styrk í nafni Kristínar Gunnarsdóttur, fyrrum kennara, sem féll frá um síðustu jól. Bekkjarfélagar Kristínar frá grunnskólanum á Blönduósi stóðu fyrir söfnuninni. Takk innilega fyrir okkur árgangur 1963! Þau Hólmfríður Anna og Hrannar Már í stjórn Sorgarmiðstöðvar tóku við styrknum.
Sorgartréð tendrað í Hellisgerði

Tendrað verður á Sorgartrénu í Hellisgerði þann 26. nóvember. Hist verður í Lífsgæðasetrinu St. Jó, Hafnarfirði, kl. 17, þar sem stjórnarformaður Sorgarmiðstöðvar fer með nokkur orð um jólin og sorgina. Síðan verður gengið saman í Hellisgerði þar sem Kvennakór Kópavogs tekur nokkur lög áður en kveikt verður á Sorgartrénu. Hugmyndin með Sorgartrénu er að öll […]
Oddfellow stúkan Rebekka NR 8, Rannveig, færir Sorgarmiðstöð styrk

Við fallega athöfn veitti Oddfellow stúkan Rebekka NR 8, Rannveig Sorgarmiðstöð styrkur inn í verkefnið Hjálp 48. Verkefnið gengur út á að grípa einstaklinga innan 48 tíma sem missa ástvin skyndilega og veita þeim stuðning og viðeigandi hjálp strax í upphafi. Sorgarmiðstöð vill þakka öllu því góðhjartaða fólki sem starfar innan stúkunnar innilega fyrir þennan veglega styrk. […]
Forseti Íslands heimsótti Sorgarmiðstöð

Guðni Th Jóhannesson Forseti Íslands heimsótti Sorgarmiðstöð á Degi Barna í Sorg. Við ræddum við Guðna um mikilvægi sorgarúrvinnslu og faglegrar þjónustu fyrir syrgjendur, þ.á.m. fyrir börn. Einnig ræddum við um aukinn skilning samfélagsins á mikilvægi þess að grípa fólk eftir ástvinamissi, og svo hvað megi gera betur. Þetta var einstaklega ánægjuleg samvera þar sem […]
Sorgarmiðstöð fær styrk í nafni Lárusar Dags Pálssonar

Á dögunum fékk Sorgarmiðstöð styrk að upphæð 655 þúsund krónum í nafni Lárusar Dags Pálssonar. Lárus, eða Lalli eins og hann var kallaður, hefði orðið fimmtugur 6. september og af því tilefni héldu systur hans og vinir stóra veislu í Hlégarði. Listamenn og gestir tróðu upp með tónlist og sögum en var einnig boðið að […]
Tónleikar til styrktar listasmiðju barna

Haldnir verða tónleikar í Sky Lagoon til styrktar Listasmiðju barna sem hafa misst ástvin. Þar munu koma fram GDRN, Salka Sól og DJ Dóra Júlía. Að tónleikunum standa 1881 Góðgerðarfélag og er Edda Björgvinsdóttir verndari verkefnisins en hún ásamt Sorgarmiðstöð mun standa að starfi listasmiðjunnar. Við hvetjum alla til að næla sér í miða á […]
Gulur september

Sorgarmiðstöð tekur þátt í Gulum september, átaki til að efla geðheilbrigði og sjálfsvígsforvarnir. Fjöldi viðburða verða haldnir frá 1. september til 10. október. Þú getur tekið þátt í gulum september með því að klæðast gulu, skreyta í gulu og skapa glaða stemningu. Nánari upplýsingar má finna á www.gulurseptember.is
Minningartónleikar til styrktar Sorgarmiðstöð

Þann 24.ágúst 2023 hefði Bjarki Friðriksson orðið fimmtugur, en hann lést skyndilega úr heilahimnubólgu árið 1993. Systir Bjarka, Sigríður Eyrún Friðriksdóttir leik og tónlistarkona ætlar að heiðra minningu hans með tónleikum í Hörpu þann 27. ágúst kl.16:00 Karl Olgeirsson mun spila með henni á hammondorgel og er sérstakur heiðursgestur Edda Björgvinsdóttir. Við hvetjum alla til […]
Takk fyrir að hlaupa fyrir Sorgarmiðstöð

Kæru hlauparar, hvetjarar og þið sem gáfuð áheit og stuðning færum við okkar bestu þakkir. Það er mikilvægt fyrir félag eins og Sorgarmiðstöð sem rekin er á styrkjum að fá stuðning sem þennan. Skortur er á fjárstuðning til samtakanna og gerir þessi söfnun Sorgarmiðstöð kleift að taka á móti fleirum í stuðningshópastarf sem er gjarnan […]
Sjálfboðaliðakvöld

Strax í upphafi starfsársins fengum við til okkar sjálfboðaliða sem aðstoðuðu okkur við að undirbúa þátttöku Sorgarmiðstöðvar í Reykjavíkurmaraþoninu. Sorgarmiðstöð verður að sjálfsögðu með bás í Laugardalshöllinni og fá þau sem að hlaupa fyrir samtökin afhent sorgarbönd. Sjálfboðaliðar okkar mættu í Sorgarmiðstöð með sínar saumagræjur og saumuðu bönd í öllum stærðum en einnig var saumuð […]
Ný dögun hefur hætt starfsemi

Ný dögun, eitt aðildarfélaga Sorgarmiðstöðvar hefur hætt starfsemi og þjónustan flust í Sorgarmiðstöð. Þetta eru tímamót því Ný dögun var elsta grasrótarfélagið á sviði sorgarúrvinnslu, stofnað 1987 af einstaklingum sem höfðu reynslu af sárum missi og takmörkuðum úrræðum. Markmiðið frá upphafi var að skapa vettvang til að styðja syrgjendur og þau sem vinna að velferð þeirra. Kjarnastarfsemin, nú […]
Stuðningur frá Konsept

Styrkur er ekki alltaf í formi fjárframlaga. Síðastliðinn fjögur ár hefur Sorgarmiðstöð fengið mikinn stuðning í formi þjónustu frá fyrirtækinu Konsept. Steinþór hönnuður og tæknigúrú hefur staðið vaktina og hjálpað okkur með öll þau mál er hafa komið upp varðandi heimasíðu okkar. Hann hefur unnið við lagfæringar, breytingar á síðunni en einnig stigið inn og […]
Ný stjórn Sorgarmiðstöðvar

Ný stjórn Sorgarmiðstöðvar var kosin á aðalfundi þann 23. maí. Á aðalfundi voru samþykkt ný lög og var ákveðið að fækka í stjórn úr 7 manns í 4 manns. Þau sem sitja í nýrri stjórn eru: Hrannar Már Ásgeirs Sigrúnarson og er hann nýr formaður, Berglind Arnardóttir, Hólmfríður Anna Baldursdóttir og K. Hulda Guðmundsdóttir. Í […]
Símasöfnun

Sorgarmiðstöð er með símasöfnun í gangi um þessar mundir. Nú erum við að bjóða fólki að gerast vinur í raun og styðja Sorgarmiðstöð með mánaðarlegum eða einstökum greiðslum en það hefur orðið gífurleg aukning í þjónustuna undanfarið ár og þá sérstaklega stuðningshópastarfið. Tekið skal fram að Sorgarmiðstöð byggir tilveru sína á styrkjum og því er […]
Fimmti þáttur hlaðvarps Sorgarmiðstöðvar kominn í loftið

Fimmti þátturinn kallast „Að missa foreldri í fíkn, flóknu hliðar sorgar“ og hér ræðir Karólína Helga Símonardóttir umsjónarmaður hlaðvarps Sorgarmiðstöðvar við Kolbein Elí Pétursson sem missir móður sína ungur að árum, sorgina og hversu flókin sorgin getur verið. Hægt er að hlusta á þættina hér.
Sorgarmiðstöð hlýtur fjölskylduviðurkenningu SOS Barnaþorpa

Í vikunni hlaut Sorgarmiðstöð fjölskylduviðurkenningu SOS Barnaþorpanna fyrir stuðning og þjónustu í þágu barnafjölskyldna á Íslandi. Eliza Reid forsetafrú afhenti Karólínu Helgu Símonardóttur, stjórnarformanni viðurkenninguna á alþjóðlegum degi fjölskyldunnar.Á athöfninni ávarpaði Eva Skarpaas, einn af þjónustuþegum Sorgarmiðstöðvar viðstadda. Þar deildi hún reynslu sinni af því hvernig þjónusta Sorgarmiðstöðvar nýttist fjölskyldunni þegar sonur Evu féll frá […]
Heiðursbollinn 2022

Sorgarmiðstöð veitir í annað sinn viðurkenningu fyrir sérstakt framlag í þágu syrgjenda á Íslandi. Að þessu sinni er það félags- og vinnumarkaðsráðherra Guðmundur Ingi Guðbrandsson sem hlýtur Heiðursbollann 2022. Bollinn er unnin af Kristínu Sigfríði Garðarsdóttur keramikhönnuði og voru það formaður Karólína Helga Símonardóttir og framkvæmdastjóri Sorgarmiðstöðvar Ína Lóa Sigurðardóttir sem afhentu viðurkenninguna. Guðmundur Ingi […]
Erindi fyrir þau sem hafa misst ástvin – Húsavík

Þriðjudaginn þann 11. apríl mun aðili á vegum Sorgarmiðstöðvar, sr. Sindri Geir Óskarsson heimsækja Húsavík og flytja fræðsluerindi um sorg og sorgarviðbrögð. Erindið er kl. 18:00 og staðsett í Bjarnahúsi. Einnig verður kynning á fyrirhuguðu hópastarfi Sorgarmiðstöðvar. Verið öll hjartanlega velkomin. ATH: Þetta erindi er einungis ætlað fullorðnum.
Sjálfboðaliðakvöld

Í síðustu viku fengum við til okkar hóp yndislegra og öflugra sjálfboðaliða sem aðstoðuðu okkur við hin ýmsu verkefni. Sjálfboðaliðar flokkuðu og útbjuggu sendingar fyrir landsbyggðina af fræðsluefni, límdu á leiðiskerti, týndu til pantanir o.fl. Takk kærlega fyrir hjálpina og samveruna kæru sjálfboðaliðar! Við hlökkum til að sjá ykkur fljótlega aftur
Taktikal er stoltur stuðningsaðili Sorgarmiðstöðvar

Hugbúnaðarfyrirtækið Taktikal hefur ákveðið að styðja við mikilvægt starf Sorgarmiðstöðvar. Framvegis verða stjórnarfundargerðir félagsins undirritaðar rafrænt með lausn Taktikal sem kemur sér afar vel þar sem stjórnarfólk félagsins er búsett víðsvegar um landið. Sorgarmiðstöð kann Taktikal bestu þakkir fyrir stuðninginn. Ína Lóa Sigurðardóttir framkvæmdastjóri Sorgarmiðstöðvar og Björt Baldvinsdóttir framkvæmdastjóri viðskiptatengsla Taktikal við undirritun samnings.
Rekstrarstyrkur

Guðmundur Ingi Guðbrandsson, félags- og vinnumarkaðsráðherra, hefur veitt Sorgarmiðstöð rekstrarstyrk að upphæð fimm milljónir króna til tveggja ára.Undanfarin ár hefur Sorgarmiðstöð veitt syrgjendum, aðstandendum þeirra og fagfólki ráðgjöf og stuðning. Miðstöðin hefur haldið úti fjölbreyttri starfsemi þar sem aðsóknin hefur aukist verulega frá opnun og með rekstrarstyrk gefst tækifæri á að halda áfram því góða […]
Skráning er hafin í Reykjavíkurmaraþonið 2023

Skráning er hafin í Reykjavíkurmaraþonið 2023. Í boði er að hlaupa til stuðnings Sorgarmiðstöð í maraþoninu 19. ágúst. Að þessu sinni söfnum við fyrir stuðningshópastarfi okkar en það er stór hluti af starfsemi Sorgarmiðstöðvar. Hægt er að skrá sig til leiks hér.
Verkefnastyrkur – Hjálp 48

Sorgarmiðstöð fékk afhentan veglegan verkefnastyrk að upphæð 4 milljónir króna frá félags- og vinnumarkaðsráðherra, Guðmundi Inga Guðbrandssyni í verkefnið Hjálp 48. Verkefnið gengur út á að grípa einstaklinga innan 48 tíma sem missa ástvin skyndilega og veita þeim stuðning og viðeigandi hjálp strax í upphafi.Um leið og við þökkum fyrir styrkinn, hlökkum við til að hefja […]
Hópstjórar Sorgarmiðstöðvar

Hópstjórar Sorgarmiðstöðvar hittast einu sinni á önn og fara yfir verklag hópastarfs, ígrunda nýjungar, uppfæra efni, miðla þekkingu o.fl. Einnig eru nýjir hópstjórar kynntir en hópstjórar Sorgarmiðstöðvar eru nú orðnir 25 talsins. Það er alltaf notalegt að koma saman og ræða starfið og hvernig við getum unnið betur að bættri líðan syrgjenda.
Námskeið barna

Í mars kláruðum við námskeið barna í Sorgarmiðstöð. Námskeiðið var einstaklega vel sótt og mættu 12 börn á aldrinum 6 – 15 ára á námskeiðið. Foreldrar og forráðamenn tóku þátt fyrsta daginn en fengu jafnframt fræðsluna ,,Að styðja barn í sorg“. Á námskeiðinu var áhersla lögð á að mæta þörfum hópsins og hvers og eins innan […]
Þriðji og fjórði þáttur hlaðvarps Sorgarmiðstöðvar komnir í loftið

Þriðji þáttur hlaðvarpsins kallast „Sorgarúrvinnsla er forvörn“ og ræðir Karólína Helga Símonardóttir umsjónarmaður hlaðvarps Sorgarmiðstöðvar við Guðrúnu Jónu Guðlaugsdóttur fagstjóra Sorgarmiðstöðvar um bjargráðin, barnsmissi og sjálfsvíg. Fjórði þáttur hlaðvarpsins kallast „Æðri öfl leiddu Oddný áfram í sorginni“. Þar ræðir Karólína Helga við Oddnýju Þ. Garðarsdóttur um barnsmissi, von og bókarskrif. Hægt er að hlusta á […]
Sorgarmiðstöð á norðurlandi

Þann 16.-17. febrúar fóru þær Guðrún Jóna Guðlaugsdóttir fagstjóri og Ína Lóa Sigurðardóttir framkvæmdastjóri til Akureyrar.Tilgangur ferðarinnar var að efla þjónustu við syrgjendur á norðurlandi. Var það gert með því að þjálfa væntanlega hópstjóra eftir verklagi Sorgarmiðstöðvar, flytja erindið ,,Þegar ástvinur deyr“ en það verður reglulega á dagskrá hjá Sorgarmiðstöð/Samhygð á Akureyri fyrir þau sem […]
Oddfellowstúka nr. 27, Sæmundur fróði, gefur Sorgarmiðstöð gjöf

Bræður í Oddfellowstúkunni nr. 27, Sæmundur fróði, komu færandi hendi með styrk til Sorgarmiðstöðvar að upphæð 250.000 kr. Guðrún Þóra Arnardóttir starfsmaður Sorgarmiðstöðvar tók við styrknum fyrir hönd Sorgarmiðstöðvar. Takk kærlega fyrir stuðninginn kæru bræður!
Annar þáttur hlaðvarps Sorgarmiðstöðvar kominn í loftið

Annar þáttur hlaðvarpsins „Sorg og Missir“ sem Sorgarmiðstöð gefur út í samstarfi við mbl.is er kominn í loftið. Annar þátturinn kallast „Að elska eftir makamissi“ og hér ræðir Karólína Helga Símonardóttir umsjónarmaður hlaðvarps Sorgarmiðstöðvar við Evu Dís Þórðardóttur og Gísla Álfgeirsson um makamissi, ást eftir missi, skömm, flóknar tilfinningar og von. Hægt er að hlusta […]
Gulli Reynis færir Sorgarmiðstöð gjöf

Gulli Reynis færði Sorgarmiðstöð að gjöf allan ágóðann af tónleikunum „Lögin hans Halla“ sem haldnir voru fyrir fullu húsi í Bæjarbíói 18.nóvember sl. Á tónleikunum fór Gulli ásamt hljómsveit yfir tónleikaferil tvíburabróður síns en tónlistarmaðurinn og kennarinn Halli Reynis lést í september 2019. Takk kærlega fyrir stuðninginn.
Heiðursbollinn 2022 – ert þú með ábendingu?

Árlega veitir Sorgarmiðstöðs vel völdum aðila Heiðursbollann fyrir framlag í þágu syrgjenda. Í febrúar 2023 verður Heiðursbollinn fyrir árið 2022 afhentur. Ert þú með ábendingu um aðila sem hefur stutt þétt við bakið á syrgjendum? Endilega láttu okkur vita. Öllum er frjálst að senda inn tillögu. Hægt er að skila inn tillögum hér.
Sorg og Missir – hlaðvarp Sorgarmiðstöðvar

Í samstarfi við mbl.is hefur Sorgarmiðstöð gefið út hlaðvarpið Sorg og Missi. Fyrsti þátturinn kallast „Jólin og sorgin“ og er þar rætt við Ínu Lóu framkvæmdastjóra Sorgarmiðstöðvar. Fer Ína Lóa í gegnum hvað Sorgarmiðstöð gerir fyrir syrgjendur og hvaða ráð er gott að hafa í huga um jólin. Hægt er að hlusta á þáttinn hér.
Skrifstofa Sorgarmiðstöðvar lokar yfir hátíðarnar

Skrifstofa Sorgarmiðstöðvar verður lokuð dagana 19. desember – 3. janúar. Ef erindið er brýnt er hægt að senda okkur tölvupóst á sorgarmidstod@sorgarmidstod.is Allar pantanir sem berast á þeim tíma verða afgreiddar fyrstu vikuna í janúar.
Símasöfnun

Sorgarmiðstöð er með símasöfnun í gangi um þessar mundir. Nú erum við að bjóða fólki að gerast vinur í raun og styðja Sorgarmiðstöð með mánaðarlegum greiðslum en það hefur orðið gífurleg aukning í þjónustuna undanfarið ár og þá sérstaklega stuðningshópastarfið. Tekið skal fram að Sorgarmiðstöð byggir tilveru sína einungis á styrkjum og því er þinn […]
Jólaganga

Þann 27. nóvember stóð Sorgarmiðstöð fyrir hugleiðingu og jólagöngu. Viðburðurinn hófst í húsakynnum Sorgarmiðstöðvar þar sem Gísli Álfgeirsson stjórnarmeðlimur í Sorgarmiðstöð flutti stutta hugleiðingu um tyllidaga og hátíðir. Þaðan var rölt í gegnum miðbæ Hafnarfjarðar og að Hellisgerði þar sem Rósa Guðbjartsdóttir bæjarstjóri í Hafnarfirði hélt fallega tölu. Kórinn Hljómfélagið flutti okkur yndislega og ljúfa […]
Leiðiskrans – námskeið

Í nóvember bauð Sorgarmiðstöð upp á námskeið í gerð kransa fyrir leiði í samstarfi við Ingunni Björk Vilhjálmsdóttur kransagerðakonu. Ingunn kom og kenndi okkur helstu handbrögðin við að útbúa fallegan krans á leiði og gaf vinnu sína til Sorgarmiðstöðvar. Aðsóknin á námskeiðið var mjög góð og myndaðist biðlisti. Að lokum komust þó allir að og fannst […]
Veitum hlýju

Það sem okkur er hlýtt í hjartanu núna! Í vor fórum við af stað með verkefnið „Veitum hlýju“ þar sem saumaðir eru hitapokar og hafa ýmsar unglingadeildir grunnskóla tekið þátt í verkefninu. Í haust ákváðu krakkarnir í 8. bekk í Lindaskóla í Kópavogi að taka verkefnið að sér og í síðustu viku skiluðu þau af […]
Heilsu og umhverfisveisla

Sorgarmiðstöð tók þátt í heilsu og umhverfisveislunni ,,Lifum betur“ sem haldin var í Hörpu sl. helgi. Þar var Sorgarmiðstöð ásamt öðrum frá Lífsgæðasetri Hafnarfjarðar að kynna starfsemi sína. Margir spennandi fyrirlestrar voru fluttir um heilsu og vellíðan. Einnig voru ýmis örnámskeið í boði. Það var mjög ánægjulegt að taka þátt í þessari sýningu með öllum […]
Flensborgarhlaup til styrktar Sorgarmiðstöð

Flensborgarhlaupið var haldið 20. september síðastliðinn og í ár var ágóði hlaupsins tileinkaður verkefninu Ungt fólk og sorgin hjá Sorgarmiðstöð. Alls söfnuðust 250.000 kr. Sorgarmiðstöð þakkar öllum sem tóku þátt og stóðu að hlaupinu innilega fyrir stuðninginn.
Gísli Örn leikari veitir Sorgarmiðstöð styrk

Í vikunni veitti Gísli Örn Garðarson leikari Sorgarmiðstöð styrk sem er hluti af ágóða sýningarinnar ,,Ég hleyp“. Leikarinn tók þá ákvörðun snemma á æfingarferlinu að gefa allar sínar tekjur til góðra málefna. Sýningin ,,Ég hleyp“ fjallaði um mann sem byrjaði að hlaupa eftir barnsmissi. Hann gat ekki höndlað sorgina með öðrum hætti og á hlaupunum […]
Guðmundur Ingi Guðbrandsson, félags- og vinnumarkaðsráðherra veitir Sorgarmiðstöð styrk

Guðmundur Ingi Guðbrandsson, félags- og vinnumarkaðsráðherra, hefur veitt Sorgarmiðstöð styrk að upphæð fimm milljónum króna. Styrkurinn er veittur til almennrar starfsemi Sorgarmiðstöðvar sem felst í þjónustu og stuðningi við syrgjendur í sorgarúrvinnslu. Guðmundur Ingi Guðbrandsson, félags- og vinnumarkaðsráðherra:„Þjónusta Sorgarmiðstöðvarinnar er ómetanleg jafnt fyrir syrgjendur og aðstandendur þeirra enda fylgir því að missa fólkið sitt sorg […]
MISSIR fær Edduna 2022

Við erum einstaklega stolt af því að sjónvarpsþátturinn MISSIR hafi hlotið Edduna í ár fyrir mannlífsþátt ársins. Þættirnir voru unnir í samstarfi við Sorgarmiðstöð og er framkvæmdastjóri okkar hún Ína Lóa Sigurðardóttir einn af höfundum þáttana. Við óskum öllum sem komu að gerð þáttana innilega til hamingju og ekki síst öllum þeim viðmælendum sem voru […]
FIFA22 mót Sorgarmiðstöðvar

FIFA22 mót Sorgarmiðstöðvar var haldið síðasta sunnudag og fór fram úr okkar björtustu vonum. Fjöldi liða skráði sig til leiks og skapaðist ótrúlega góð stemning og fallegur andi. Okkur langar til að þakka öllum sem komu að mótinu innilega og kærlega fyrir allt saman. Arena Gaming Ísland, Rafíþróttasamtök Íslands, GameTíví, styrktaraðilar og þátttakendur. Við hefðum […]
Kyrrðarstund í Dómkirkjunni í tilefni af 10.september

Í tilefni af 10.september var haldin kyrrðarstund í Dómkirkjunni til að minnast þeirra sem við höfum misst í sjálfsvígi. Systur komu og spiluðu fallega tóna og sögð voru huggandi orð. Einnig var kveikt á 39 kertum en það er sá fjöldi sem við missum að meðaltali á ári í sjálfsvígum á Íslandi. Félagar úr slökkviliði […]
Ráðstefna – þakkir

Kærar þakkir færum við öllum þeim sem tóku þátt í ráðstefnu Sorgarmiðstöðvar um skyndilegan missi. Sérstakar þakkir fá þau sem fluttu fræðsluerindi á ráðstefnunni og gerðu okkur þannig kleift að nálgast málefnið frá hinum ýmsu sjónarhornum. Einnig viljum við þakka veittan stuðning frá Sjóvá, Streyma, deCODE, Myllunni, Skyndiprent og salir.is Yfir 400 manns hlýddu á […]
10. september – Alþjóðlegur forvarnardagur sjálfsvíga

Alþjóðlegur forvarnardagur sjálfsvíga er 10. september. Tilgangur dagsins er að stuðla að forvörnum sjálfsvíga, minnast þeirra sem hafa dáið í sjálfsvígi og sýna stuðning og samhug þeim sem hafa misst ástvin í sjálfsvígi. Í aðdraganda dagsins í ár verða kyrrðarstundir víða um land, kvikmyndasýning verður í Bíó Paradís og er fólk hvatt til að kveikja […]
Ráðstefna – Skyndilegur missir

Hvað getum við gert betur fyrir þau sem missa ástvin skyndilega? Sorgarmiðstöð býður upp á ráðstefnu fyrir syrgjendur, aðstandendur og alla þá fagaðila sem vinna að velferð þeirra. Við hvetjum heilbrigðisstarfsfólk, viðbragðsaðila, sálgæsluaðila, mannauðsstjóra og stjórnendur sérstaklega til að skrá sig. Skyndilegur missir snertir marga og verður hér fjallað um hann frá mismunandi sjónarhornum: Af […]
Námskeið fyrir skólasamfélagið

Sorgarmiðstöð var með námskeið um sorg barna í skólasamfélaginu fyrir kennara Kópavogsbæjar. Á námskeiðinu fengu kennarar fræðslu, reynslusögur, fóru í hópavinnu og tóku þátt í umræðum. Það er mikilvægt fyrir kennara og starfsfólk grunnskólanna að fá verkfæri í hendur til að geta tekist betur á við sorg barna í skólasamfélaginu. Ína Lóa og Karen Björk sem […]
Sorgarmiðstöð endurnýtir

Í síðustu viku fékk Sorgarmiðstöð heimsókn frá Oddfellow konum í Rebekkustúku nr. 7, Þorgerði. Þær mættu færandi hendi og styrktu Sorgarmiðstöð um notaðan tækjabúnað í nýja rýmið upp á 4. hæð. Við í Sorgarmiðstöð teljum mikilvægt að nýta það sem hægt er að nota aftur og gefa þannig hlutum nýtt líf. Það er eitthvað sem […]
SÍMASÖFNUN

Sorgarmiðstöð er með símasöfnun í gangi um þessar mundir. Nú erum við að safna fé fyrir stuðningshópastörfunum en það hefur orðið gífurleg aukning í þjónustuna undanfarið ár. Sorgarmiðstöð hefur þurft að auka við mannskapinn í hópstjóravinnunni um helming og fjöldi þeirra sem sótti stuðningshópastarfið í ár voru um 280 manns en það er aukning um […]
Frumvarp um sorgarleyfi orðið að lögum

Þann 15. júní sl. var frumvarp um sorgarleyfi samþykkt einróma og er orðið að lögum. Lögin tryggja foreldrum sem missa barn sitt leyfi frá störfum. Einnig fá foreldrar greiðslur til að koma til móts við tekjutap. Sorgarmiðstöð fagnar þessu mikilvæga skrefi en jafnframt teljum við þetta einungis fyrsta fasann. Það þarf að styðja enn frekar […]
Ný stjórn Sorgarmiðstöðvar

Ný stjórn Sorgarmiðstöðvar var kosin á aðalfundi þann 23. maí sl. Þau sem gáfu kosta á sér áfram til stjórnarsetu voru Karólína Helga Símonardóttir formaður og K. Hulda Guðmundsdóttir gjaldkeri og sitja þær áfram í stjórn. Nýjir aðilar inn í stjórn eru Birna Dröfn Jónasdóttir, Gísli Álfgeirsson, Halla Rós Eiríksdóttir, Sigurjón Þórsson og Þórunn Pálsdóttir. […]
Sorgarmiðstöð flytur í nýtt rými

Nú hefur Sorgarmiðstöð flutt í nýtt og stærra rými upp á 4. hæð í Lífsgæðasetrinu st. Jó. Starfsemi okkar hefur vaxið hratt sl. ár og með flutning í stærra rými getum við tekið enn betur utan um þau sem til okkar leita. Nýtt rými bíður upp á lítinn sal fyrir stuðningshópastörfin, skrifstofu og samtalsherbergi. Einnig […]
Sorgarmiðstöð og Hafnarfjarðarbær undirrita nýjan samstarfssamning

Við hátíðlega athöfn í gær, miðvikudaginn 11. maí, skrifuðu Karólína Helga Símonardóttir formaður stjórnar Sorgarmiðstöðvar og Rósa Guðbjartsdóttir bæjarstjóri undir nýjan samstarfssamning. Í tilefni þess hélt Karólína Helga ræðu: „Kæru gestir! Stjórn, samstarfsfólk, heiðursgestirnir okkar Sr. Vigfús Bjarni og Rósa bæjarstjóri Hafnarfjarðar og aðrir velunnar Sorgarmiðstöðvar. Takk innilega fyrir komuna á þessum merka degi. Í […]
Oddfellowstúka nr. 7 Þorkell Máni styrkir Sorgarmiðstöð

Að tilefni 70 ára afmælis Oddfellowstúku nr. 7 Þorkells Mána var Sorgarmiðstöð veittur veglegur styrkur að upphæð 1.500.000 kr. Styrkurinn var veittur við fallega og hátíðlega athöfn. Sorgarmiðstöð þakkar stjórn líknarsjóðs stúkunnar og öllu því góðhjartaða fólki sem starfar innan stúkunnar innilega fyrir þessa veglegu gjöf. Gjöfin gerir Sorgarmiðstöð kleift að stækka og dafna en […]
Sorgarmiðstöð fær styrk frá Lýðheilsusjóði

Þann 11. apríl sl. fékk Sorgarmiðstöð 900.000 kr. styrk úthlutað úr Lýðheilsusjóði. Styrkurinn er fyrir stuðnings og fræðslustarfi Sorgarmiðstöðvar en Willum Þór Þórsson heilbrigðisráðherra veitti styrki til 151 verkefnis. Lýðheilsusjóður hefur það hlutverk að styrkja forvarna- og lýðheilsustarf í landinu og við ákvörðun um úthlutun er tekið mið af áherslum heilbrigðisyfirvalda og stefnumörkun um lýðheilsu. […]
,,Veitum hlýju“

Undanfarnar vikur hefur Sorgarmiðstöð unnið að verkefninu „Veitum hlýju“ þar sem saumaðir eru hitapokar og hafa ýmsar unglingadeildir grunnskólanna tekið þátt. Ágóðinn af verkefninu rennur í stuðningshópastarf Sorgarmiðstöðvar en þar gefst syrgjendum einnig kostur á að fá hitapoka á axlirnar á meðan á hópastarfi stendur. Fyrsti skólinn sem tók þátt í verkefninu og afhenti Sorgarmiðstöð […]
Félags- og vinnumarkaðsráðuneytið styrkir Sorgarmiðstöð

Sorgarmiðstöð fékk afhentan veglegan styrk 2.000.000 kr. frá félags- og vinnumarkaðsráðherra, Guðmundi Inga Guðbrandssyni. Styrkirnir eru veittir árlega og er ætlað að styðja við verkefni á sviði félags- og velferðarmála. Í ár var lögð sérstök áhersla á verkefni sem hvetja til virkni, vellíðan og valdeflingar einstaklinga í viðkvæmri stöðu. Ráðherrann lét eftirfarandi orð falla […]
Samtal eftir sýninguna „Ég hleyp“

Borgarleikhúsið og Sorgarmiðstöð buðu upp á umræður eftir sýninguna „Ég hleyp“ þann 7. apríl. Í umræðum tóku þátt Harpa Arnardóttir leikstjóri, Gísli Örn Garðarsson leikari og Maríanna Clara Lúthersdóttir sem er listrænn ráðunautur leikhússins. Frá Sorgarmiðstöð voru Steinunn Sigurþórsdóttir og Gunnar Lúðvík Gunnarsson en þau deila þeirri sáru reynslu að hafa misst barn. Leikhúsgestir tóku […]
Heiðursbolinn 2021

Sorgarmiðstöð veitir viðurkenningu fyrir framlag í þágu syrgjenda Í fyrsta sinn veitir Sorgarmiðstöð viðurkenningu fyrir sérstakt framlag í þágu syrgjenda á Íslandi. Það er séra Vigfúsi Bjarni Albertsson sem hlýtur Heiðursbollann 2021 sem er unninn af Kristínu Sigfríði Garðarsdóttur keramikhönnuði. Formaður Karólína Helga Símonardóttir og framkvæmdastjóri Sorgarmiðstöðvar Ína Lóa Sigurðardóttir afhentu honum viðurkenninguna. Vigfús Bjarni er guðfræðingur með framhaldsmenntun […]
Góði hirðirinn styrkir Sorgarmiðstöð

Á hverju ári veitir SORPA styrki sem tilkomnir eru af ágóða af sölu nytjahluta úr Góða hirðinum. Styrkirnir eru veittir til líknar- og félagasamtaka þar sem forsendan er að styrkurinn nýtist fólki til sjálfshjálpar, svo sem menntunar, endurhæfingar og sjálfsbjargar. Við úthlutun úr styrktarsjóðnum í ár hlaut Sorgarmiðstöð styrk að fjárhæð 1 milljón króna. Pálína […]
Gleðilegt nýtt ár

Sorgarmiðstöð óskar öllum farsældar og gleði á nýju ári og þakkar fyrir samfylgdina og gott samstarf á árinu sem er að líða.Við viljum nýta tækifærið í upphafi nýs árs að þakka kærlega fyrir ómetanlegan stuðning á liðnu ári. Með ykkar framlagi hafið þið hjálpað okkur að hlúa áfram vel að syrgjendum og efla þjónustu Sorgarmiðstöðvar. […]
Sorgarmiðstöð fær styrk frá Landsbankanum

Samfélagsstyrkjum Landsbankans var úthlutað þann 21. desember 2021. Alls hlutu 32 verkefni styrki. Verkefnin sem hlutu styrki eru talin afar fjölbreytt og gagnast fólki á öllum aldri, víða um land. Sorgarmiðstöð var veittur styrkur að upphæð 500.000 kr. sem mun nýtast í myndbandsgerð. Guðrún Jóna fagstjóri tók á móti styrknum rafrænt. Við þökkum Landsbankanum kærlega […]
Jólin og sorgin í beinu streymi

Í kvöld miðvikudaginn 24. nóvember mun Sorgarmiðstöð bjóða upp á erindið ,,Jólin og sorgin“. Því miður getum við ekki tekið á móti fleirum í salinn vegna covid en bendum á að sýnt verður frá stundinni í beinu streymi á facebooksíðu Sorgarmiðstöðvar kl. 20:00 Sjá hér
Námskeið í haustkransagerð

Í október bauð Sorgarmiðstöð upp á námskeið í haustkransagerð í samstarfi við Ingunni Björk Vilhjálmsdóttur kransagerðakonu. Ingunn kom og kenndi okkur helstu handbrögðin við að útbúa fallega haustkransa og gaf vinnu sína til Sorgarmiðstöðvar.Aðsóknin var mjög góð og fannst öllum stundin vera kærkomin tilbreyting en eins og segir í bjargráðum okkar að þá er nauðsynlegt […]
Sorgarmiðstöð fær hjálparhönd

Hópur kvenna frá ÍsIandsbanka kom í Sorgarmiðstöð og veitti hjálparhönd. Verkefnið Hjálparhönd er liður í samfélagsstefnu bankans þar sem starfsfólki er gefin kostur á að veita góðgerðarsamtökum aðstoð. Starfsfólkið getur varið einum vinnudegi á ári í þágu góðs málefnis og velja þau sjálf það málefni sem þau vilja rétta hjálparhönd. 11 yndislegar konur frá útibúi […]
SÍMASÖFNUN

Sorgarmiðstöð er með símasöfnun í gangi um þessar mundir þar sem fólk er beðið um að styrkja miðstöðina um ákveðna upphæð í eitt skipti. Þeir sem samþykkja að styrkja Sorgarmiðstöð fá sendan greiðsluseðil í heimabanka. Við sendum okkar bestu þakkir til allra sem leggja Sorgarmiðstöð lið og hjálpa okkur við að byggja upp starfsemina.